Live Updates

جونیئر ہاکی ورلڈکپ: پاکستان کا اپنے میچز بھارت سے دوسرے ملک منتقل کرنے کا مطالبہ

پاکستان ہاکی فیڈریشن نے انٹرنیشنل ہاکی فیڈریشن کو خط لکھ کر سکیورٹی خدشات کا اظہار کیا

ذیشان مہتاب جمعرات 2 اکتوبر 2025 12:02

جونیئر ہاکی ورلڈکپ: پاکستان کا اپنے میچز بھارت سے دوسرے ملک منتقل کرنے ..

لاہور (اردو پوائنٹ تازہ ترین اخبار ۔ 2 اکتوبر 2025ء ) پاکستان ہاکی فیڈریشن نے جونیئر ہاکی ورلڈکپ میں پاکستان کے میچ بھارت سے دوسرے ملک منتقل کرنے کا مطالبہ کردیا۔

پاکستان ہاکی فیڈریشن نے انٹرنیشنل ہاکی فیڈریشن کو خط لکھ کر بھارت میں ہونے والے جونیئر ہاکی ورلڈکپ میں پاکستان کے میچز کو کسی دوسری جگہ منتقل کرنے کا مطالبہ کیا ہے۔

(جاری ہے)

ذرائع کے مطابق پی ایچ ایف نے اپنے خط میں پاکستانی کھلاڑیوں کو درپیش سکیورٹی خدشات سے آگاہ کیا اور پاکستان ہاکی ٹیم کے میچ بھارت کے بجائے نیوٹرل مقام پر کھیلنے کا مطالبہ کیا۔

جونیئر ہاکی ورلڈ کپ 28 نومبر کو بھارت میں شروع ہوگا اور 11 دسمبر تک جاری رہے گا۔

واضح رہے اس سے قبل پاکستان ہاکی ٹیم بھی ایشیا کپ کھیلنے بھارت نہیں گئی تھی۔