راولپنڈی ٹریفک پولیس کے لائسنسنگ سینٹرز میں ڈرائیونگ لائسنس کے حصول کیلئے شہریوں کی تعداد میں مسلسل اضافہ

جمعرات 2 اکتوبر 2025 18:26

راولپنڈی(اُردو پوائنٹ اخبارتازہ ترین - این این آئی۔ 02 اکتوبر2025ء)شہریوں کی بڑی تعداد نے راولپنڈی ڈرائیونگ لائسنسنگ سینٹرز کا رخ کر لیا،گزشتہ 3دن کے دوران 21ہزار 500سے زائد شہریوں نے لائسنسنگ سروسز سے استفادہ کیا،شہریوں نے راولپنڈی ٹریفک پولیس کی فراہم کردہ لائسنسنگ سروسز پر اعتماد کا اظہارکیا۔ تفصیلات کے مطابق ڈئی آئی جی ٹریفک پنجاب وقاص نذیر کے ویژن اور چیف ٹریفک آفیسر راولپنڈی فرحان اسلم کے احکامات پر راولپنڈی ٹریفک پولیس کے لائسنسنگ سینٹرز24گھنٹے شہریوں کو لائسنسنگ سہولیات فراہم کرنے میں مصروف ہیں۔

شہریوں کی بڑی تعداد نے ڈرائیونگ لائسنس کے حصول کیلئے راولپنڈی لائسنسنگ سینٹرز کا رخ کر لیا۔گزشتہ 3دن کے دوران 21ہزار 5سو سے زائد شہریوں کو لائسنسنگ سروسز فراہم کی گئیں ہیں ۔

(جاری ہے)

شہریوںنے راولپنڈی ٹریفک پولیس کی فراہم کردہ لائسنسنگ سروسز پر اعتماد کا اظہار کیا ۔شہریوں کی سہولت کے لیے راولپنڈی ٹریفک ہیڈ کواٹر سمیت 15لائسنسنگ سینٹرزمیں شہریوں کو لائسنسنگ سہولیات فراہم کی جا رہی ہیں،رش کے پیش نظر ٹریفک ہیڈ کواٹر راولپنڈی میں 24گھنٹے لائسنسنگ سروسز کی فراہمی کا عمل جاری ہے جبکہ گوجر خان، کلر سیداں، ٹیکسلا سمیت راولپنڈی کے 3مقامات پر ڈرائیونگ ٹیسٹ بھی لیے جا رہے ہیں،دور دراز سے تعلق رکھنے والے شہریوں کیلئے پولیس موبائل خدمت وین کے ذریعے بھی سہولیات فراہم کی جاری ہیں۔

DLIMSآن لائن پورٹل کے ذریعے شہریوں گھر بیٹھے نئے لرنرکے اجراء،تجدید لائسنس اورانٹرنیشنل سمیت کئی دیگرکئی سروسز سے مستفید ہو رہے ہیں۔ اس موقع پر چیف ٹریفک آفیسر راولپنڈی فرحان اسلم کا کہنا تھا کہ پاکستان کا کوئی بھی شہری صرف اصلی شناختی کارڈ کے ذریعے ہمارے کسی بھی لائسنسنگ سینٹر سے لائسنسنگ سہولیات حاصل کر سکتا ہے جبکہ موٹر سائیکل سواروںکیلئے ایک ہی دن میںلرنر اور ڈرائیونگ لائسنس کا اجراء بھی جاری ہے۔ انکا مزید کہنا تھا کہ ہر شہری کیلئے میرٹ و عزت دارانہ طریقے سے لائسنسنگ سروسز کی فراہمی ہماری اولین ترجیح ہے۔