ملک کے بیشتر علاقوں میں آئندہ 24 گھنٹوں کے دوران موسم گرم اور خشک رہنے کا امکان

جمعرات 2 اکتوبر 2025 20:00

اسلام آباد (اُردو پوائنٹ اخبارتازہ ترین - اے پی پی۔ 02 اکتوبر2025ء) ملک کے بیشتر علاقوں میں آئندہ 24 گھنٹوں کے دوران موسم گرم اور خشک رہے گا تاہم بالائی/وسطی خیبر پختونخوا، کشمیر، گلگت بلتستان، اسلام آباد، خطہ پوٹھوہار ،شمال مشرقی پنجاب اور زیریں سندھ میں مطلع جزوی ابرآلود رہنے کے علاوہ تیز ہوائوں/آندھی اور گرج چمک کے ساتھ چند مقامات پر بارش کی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبر پختونخوا اورزیریں سندھ میں چند مقامات پر تیز ہوائوں اور گرج چمک کے ساتھ بارش ہوئی۔سب سے زیادہ بارش خیبر پختونخوا میں پاراچنار 20، دیر (زیریں 04، بالائی01)،سیدوشریف، کاکول 01، سندھ: دادو میں 02ملی میٹر بارش ہوئی۔جمعرات کو ریکارڈ کئے گئے زیادہ سےزیادہ درجہ حرارت تربت، لسبیلہ 41 اور بھکرمیں 40 ڈگری سینٹی گریڈ ریکارڈ کیا گیا۔

محکمہ موسمیات نے جمعرات کی رات اورکل جمعہ کو زیریں سندھ میں بعض مقامات پر آندھی/جھکڑ چلنے اورگرج چمک کے باعث روزمرہ کے معمولات متاثر ہونے ، کمزور انفرا سٹرکچر (کچے گھر/دیواریں،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ ظاہر کیا ہے۔