کور کمانڈر پشاور کی جامعہ پشاور کے طلبا و اساتذہ کے ساتھ اہم نشست

طلبہ و اساتذہ نے کور کمانڈر کو جامعہ کے تعلیمی منصوبوں اور تحقیقی سرگرمیوں سے آگاہ کیا

جمعہ 3 اکتوبر 2025 20:55

پشاور (اُردو پوائنٹ اخبارتازہ ترین - این این آئی۔ 03 اکتوبر2025ء)کور کمانڈر پشاور نے جامعہ پشاور کا دورہ کیا جہاں طلبہ و اساتذہ کے ساتھ انٹریکٹو سیشن کا انعقاد کیا گیا۔صوبے کی سکیورٹی صورتحال پر کور کمانڈر نے جامع اور موثر خطاب دیا اور جامعہ پشاور کے تحقیقی و تعلیمی کردار کو سراہا۔

(جاری ہے)

طلبہ و اساتذہ نے کور کمانڈر کو جامعہ کے تعلیمی منصوبوں اور تحقیقی سرگرمیوں سے آگاہ کیا جبکہ کور کمانڈر نے ملکی امن و امان اور سیکیورٹی چیلنجز پر طلبا کے سوالات کے جوابات بھی دیے۔

طلبا نے کور کمانڈر پشاور کے ساتھ انٹریکٹو سیشن کو خوش آئند قرار دیا۔ طلبا نے اپنے خیالات کا اظہار کرتے ہوئے کہا کہ سیشن میں ہماری پاک فوج سے متعلق غلط فہمیاں دور ہوئیں اور مِس انفارمیشن کا خاتمہ ہوا۔طلبا نے کہاکہ آئندہ بھی ایسے سیشنز ہونے چاہئیں تاکہ سکیورٹی اور انتہاپسندی سے متعلق ابہام دور ہوسکے۔ طلبا نے معرکہ حق میں پاک فوج کی کامیابی پر خراج تحسین بھی پیش کیا۔