Live Updates

طلاق کی افواہیں، شعیب ملک اور ثناء جاوید نے تصاویر شیئر کرکے خاموشی توڑ دی

شعیب اور ثناء کے درمیان علیحدگی کی خبروں کا آغاز سوشل میڈیا پر وائرل ایک ویڈیو سے ہوا جس میں دونوں کو ایک تقریب میں الگ الگ بیٹھے اور ایک دوسرے سے لاتعلق دیکھا گیا

ذیشان مہتاب ہفتہ 4 اکتوبر 2025 14:20

طلاق کی افواہیں، شعیب ملک اور ثناء جاوید نے تصاویر شیئر کرکے خاموشی ..

لاہور (اردو پوائنٹ تازہ ترین اخبار ۔ 4 اکتوبر 2025ء ) پاکستانی کرکٹ سٹار شعیب ملک اور اداکارہ ثنا جاوید نے سوشل میڈیا پر خوشگوار لمحات کی تصاویر شیئر کرکے اپنی علیحدگی کے حوالے سے سوشل میڈیا پر پھیلنے والی افواہوں کو مسترد کردیا۔

شعیب ملک اور ثنا جاوید نے انسٹاگرام پر یونیورسل سٹوڈیوز ،فلوریڈا کی تصاویر پوسٹ کیں، جن میں دونوں مختلف مقامات پرمحبت بھرے لمحات گزارتے دکھائی دئیے، بعض تصاویر میں وہ سکو بی ڈو ، ٹرانسفارمرز روبوٹس کے سامنے اور کچھ تصاویر میں ریونج آف دی ممی رائیڈ کے ساتھ بھی نظر آئے۔

View this post on Instagram

شعیب ملک اور ثنا جاوید کے مداحوں نے ان تصاویر پر خوشی کا اظہار کرتے ہوئے اس امر پر اطمینان کا اظہار کیا کہ یہ جوڑی اب بھی ساتھ ہے اور خوشگوار زندگی گزار رہی ہے، تاہم کچھ صارفین نے اس پر حیرانی ظاہر کی ہے کہ بھارتی میڈیا اب بھی ان کے تعلقات میں دراڑ کی خبریں دے رہا ہے۔

(جاری ہے)

View this post on Instagram

شعیب ملک اور ثنا جاوید کے درمیان علیحدگی کی خبروں کا آغاز سوشل میڈیا پر وائرل ہونے والی ایک ویڈیو سے ہوا جس میں دونوں کو ایک تقریب میں الگ الگ بیٹھے اور ایک دوسرے سے لاتعلق دیکھا گیا جسے مداحوں نے ان کے تعلقات میں دراڑ کی علامت قرار دیا جس کے بعد دونوں کے درمیان علیحدگی کی افواہیں پھیل گئیں۔

شعیب ملک نے ٹینس سٹار ثانیہ مرزا سے علیحدگی کے فوراً بعد ثنا جاوید سے جنوری 2024ء میں شادی کی تھی، اس سے قبل شعیب ملک کی پہلی شادی عائشہ صدیقی سے ہوئی تھی جو آٹھ سال تک برقرار رہی، 2010ء میں انہوں نے ثانیہ مرزا سے شادی کی اور 2018ء میں بیٹے اذہان مرزا ملک کی پیدائش ہوئی لیکن 2024ء میں یہ رشتہ ختم ہوگیا۔