Live Updates

باربھی‘ڈک’پرآؤٹ ہوجاؤ تو اگلا میچ تم ہی کھیلو گے، سوریاکمارکی ابھیشیک سے گفتگو

ہفتہ 4 اکتوبر 2025 13:36

نئی دہلی (اُردو پوائنٹ اخبارتازہ ترین - این این آئی۔ 04 اکتوبر2025ء)ابھیشیک شرما نے انکشاف کیا ہے کہ کپتان سوریاکما یادیو نے انھیں کہا تھا کہ اگر تم 15 بار بھی ڈک پر آؤٹ ہوجاؤ تو تمہیں ہی میچ کھلاؤں گا۔بھارت کے نوجوان اوپنر ابھیشیک شرما نے پچھلے سال زمبابوے کے خلاف اپنا ٹی ٹوئنٹی انٹرنیشنل ڈیبیو کیا تھا، تاہم وہ شروع کے میچز میں خاص کارکردگی دکھانے میں ناکام رہے تھے جس کے بعد سوریا کمار یادیوں نے انھیں سپورٹ کیا تھا اور ان سے تفصیلی گفتگو کی تھی۔

بھارتی اوپنر نے بتایا کہ سوریہ کمار یادو نے ان کے جدوجہد کے مرحلے کس طرح ان کی حوصلہ افزائی کی اور کہا کہ وہ تب بھی پلیئنگ الیون میں شامل ہوں گے چاہے وہ لگاتار 15 بار ڈک اسکور کر لیں۔سوریاکمار نے ابھیشیک کو کہا کہ ٹیم مینجمنٹ نے ان کی صلاحیت کو دیکھا ہے اور وہ جانتے ہیں کہ وہ ٹیم کو ایک اچھی شروعات فراہم کرنے کی پوری اہلیت رکھتے ہیں۔

(جاری ہے)

''بریک فاسٹ ود چیمپئنز’’نامی پروگرام میں بات چیت کرتے ہوئے نوجوان کرکٹر نے بتایا کہ سوریہ کمار کی حوصلہ افزائی نے ان پر گہرا اثر ڈالا اور انھیں ایک بہتر کھلاڑی بننے میں مدد کی۔ابھیشیک نے بتایا کہ جب میں بھارتی ٹیم میں منتخب ہوا تو بنگلہ دیش کے خلاف سیریز میں 3-4 اننگز میں جلد آؤٹ ہوگیا، تو کپتان سوریاکمار نے مجھ سے کہا کہ‘تم میرے لیے اتنے اہم کھلاڑی ہو کہ کہ اگر تم 15 بار صفر پر آؤٹ ہوتے تب بھی تم اگلا گیم کھیلو گے۔سوریاکمار نے ابھیشیک سے یہ بھی کہا ک میں تمہیں یہ بات تحریری طور پر لکھ کر بھی دے سکتا ہوں، بقول ابھیشیک یہ اتنی بڑی بات تھی کہ کپتان اس طرح کہے جس نے کھیل میں میری بہت حوصلہ افزائی کی۔