Live Updates

پاکستان اورجنوبی افریقہ کے درمیان سیریز کیلئے میچ آفیشلزکا اعلان

ہفتہ 4 اکتوبر 2025 13:56

لاہور(اُردو پوائنٹ اخبارتازہ ترین - این این آئی۔ 04 اکتوبر2025ء)پاکستان اور جنوبی افریقہ کے درمیان ہونے والی سیریز کے لیے میچ آفیشلز کا اعلان کر دیا گیا۔پاکستان اور جنوبی افریقہ سیریز میں رنجن مدوگالے کو میچ ریفری مقرر کیا گیا ہے۔دونوں ٹیموں کے درمیان پہلا ٹیسٹ 12 سے 16 اکتوبر کو قذافی اسٹیڈیم میں کھیلا جائے گا، راڈنی ٹکر اور کرسٹوفر براؤن پہلے ٹیسٹ کے آن فیلڈ امپائرز ہوں گے۔

(جاری ہے)

دوسرا ٹیسٹ 20 سے 24 اکتوبر تک راولپنڈی کرکٹ اسٹیڈیم میں کھیلا جائے گا جس میں کرسٹوفر براؤن اور سائقًت شرف الدولہ آن فیلڈ امپائرز ہوں گے۔پہلے اور دوسرے ٹی ٹوئنٹی میں محمد آصف اور راشد ریاض آن فیلڈ امپائر ہوں گے جبکہ تیسرے ٹی ٹوئنٹی میں راشد ریاض اور فیصل خان آن فیلڈ امپائر ہوں گے۔پہلے ون ڈے میچ میں سائقًت شرف الدولہ اور آصف یعقوب آن فیلڈ امپائر ہوں گے، دوسرے ون ڈے میچ میں ایلکس وارف اور احسن رضا آن فیلڈ امپائر ہوں گے جبکہ تیسرے ون ڈے میچ میں سائقًت شرف الدولہ اور فیصل خان آن فیلڈ امپائرز مقرر کیا گیا ہے۔پاکستان اور جنوبی افریقہ کے درمیان سیریز کے تینوں ون ڈے اقبال اسٹیڈیم فیصل آباد میں کھیلے جائیں گے۔