Live Updates

15 بار بھی صفر پر آؤٹ ہوجاؤ تو اگلا میچ تم ہی کھیلو گے، سوریا کمار کی ابھیشیک شرما کو یقین دہانی

کپتان کی یہ حوصلہ افزائی ان کے لیے بہت بڑی بات تھی اور اس نے مجھے مزید بہتر کھلاڑی بننے میں مدد دی : اوپنر

ذیشان مہتاب ہفتہ 4 اکتوبر 2025 14:01

15 بار بھی صفر پر آؤٹ ہوجاؤ تو اگلا میچ تم ہی کھیلو گے، سوریا کمار کی ..

ممبئی (اردو پوائنٹ تازہ ترین اخبار ۔ 4 اکتوبر 2025ء ) بھارت کے نوجوان اوپنر ابھیشیک شرما نے انکشاف کیا ہے کہ کپتان سوریا کمار یادیو نے انھیں کہا تھا کہ اگر تم 15 بار بھی ڈک پر آؤٹ ہوجاؤ تو تمہیں ہی میچ کھلاؤں گا۔

ابھیشیک شرما نے پچھلے سال زمبابوے کے خلاف اپنا ٹی ٹونٹی انٹرنیشنل ڈیبیو کیا تھا، تاہم وہ شروع کے میچز میں خاص کارکردگی دکھانے میں ناکام رہے تھے جس کے بعد سوریا کمار یادیوں نے انھیں سپورٹ کیا تھا اور ان سے تفصیلی گفتگو کی تھی۔

’بریک فاسٹ ود چیمپئنز‘ نامی پروگرام میں بات چیت کرتے ہوئے بھارتی اوپنر نے بتایا کہ سوریہ کمار یادو نے ان کے جدوجہد کے مرحلے کس طرح ان کی حوصلہ افزائی کی اور کہا کہ وہ تب بھی پلیئنگ الیون میں شامل ہوں گے چاہے وہ لگاتار 15 بار ڈک اسکور کر لیں۔

(جاری ہے)

سوریا کمار نے ابھیشیک کو کہا کہ ٹیم مینجمنٹ نے ان کی صلاحیت کو دیکھا ہے اور وہ جانتے ہیں کہ وہ ٹیم کو ایک اچھی شروعات فراہم کرنے کی پوری اہلیت رکھتے ہیں۔

نوجوان کرکٹر نے بتایا کہ سوریہ کمار کی حوصلہ افزائی نے ان پر گہرا اثر ڈالا اور انھیں ایک بہتر کھلاڑی بننے میں مدد کی۔

ابھیشیک نے بتایا کہ جب میں بھارتی ٹیم میں منتخب ہوا تو بنگلہ دیش کے خلاف سیریز میں 3،4 اننگز میں جلد آؤٹ ہوگیا، تو کپتان سوریا کمار نے مجھ سے کہا کہ ‘تم میرے لیے اتنے اہم کھلاڑی ہو کہ کہ اگر تم 15 بار صفر پر آؤٹ ہوتے تب بھی تم اگلا گیم کھیلو گے۔

سوریا کمار نے ابھیشیک سے یہ بھی کہا کہ میں تمہیں یہ بات تحریری طور پر لکھ کر بھی دے سکتا ہوں، بقول ابھیشیک یہ اتنی بڑی بات تھی کہ کپتان اس طرح کہے جس نے کھیل میں میری بہت حوصلہ افزائی کی۔