Live Updates

بھارت کی پھر کھیل میں سیاست، کمنٹیٹر ثناء میر کو آزاد کشمیر کے ذکر پر پینل سے ہٹانے کا مطالبہ

ثناء میر نے کمنٹری کے دوران قومی ویمن ٹیم کی کھلاڑی نتالیہ پرویز کا تعلق آزاد کشمیر سے بتایا تھا

ذیشان مہتاب ہفتہ 4 اکتوبر 2025 14:10

بھارت کی پھر کھیل میں سیاست، کمنٹیٹر ثناء میر کو آزاد کشمیر کے ذکر ..

ممبئی (اردو پوائنٹ تازہ ترین اخبار ۔ 4 اکتوبر 2025ء ) بھارت ایک بار پھر کھیل میں سیاست لانے سے باز نہ آیا، ویمن کرکٹ ورلڈ کپ میں کمنٹری کے دوران ثنا میر کے آزاد کشمیر کے ذکر پر بھارت نے پراپیگنڈا شروع کر دیا۔

بھارتی میڈیا نے ثناء میر کو کمنٹری پینل سے ہٹانے کا مطالبہ کر دیا۔

واضح رہے کہ ویمن ورلڈکپ میں بنگلا دیشں اور پاکستان کے میچ کے دوران کمنٹیٹر ثنا میر نے کہا تھا کہ ’پاکستانی ٹیم میں شامل تنالیہ پرویز کا تعلق آزاد کشمیر سے ہے‘۔

کمنٹری کے دوران ثنا میر کا آزاد کشمیر کہنا بھارتیوں کو ایک آنکھ نہ بھایا جس کے بعد بھارت میں ثنا میر کے خلاف پروپیگنڈا اور نفرت انگیز مہم شروع کردی گئی۔

تاہم سابق کرکٹر اور کمنٹیٹر ثنا میر کی جانب سے اپنے خلاف چلنے والے پروپیگنڈے پر بیان سامنے آگیا۔

(جاری ہے)

سوشل میڈیا پر جاری بیان میں ثنا میر کا کہنا تھا کہ افسوس کی بات ہے کہ اس معاملے پر عوامی سطح پر وضاحت دینا پڑرہی ہے تاہم بطور کمنٹیٹر یہ ہماری کہانی بیان کرنے کا حصہ ہے کہ کھلاڑی کہاں سے آتے ہیں ، 2 اور ریجنوں سے تعلق رکھنے والی کھلاڑیوں کا بھی ذکر کیا، یہ افسوسناک ہے کہ معاملات کو بڑھا چڑھا کر پیش کیا جا رہا ہے۔

سابق کرکٹر نے لکھا اس معاملے کو سیاسی رنگ نہ دیا جائے ،کھیلوں سے وابستہ افراد کو غیر ضروری دباؤ کا سامنا کرنا پڑ رہا ہے۔

انہوں نے مزید کہا کہ پاکستانی کھلاڑی کے آبائی علاقے سے متعلق بات کرنے کا مقصد ان کی مشکلات اور شاندار سفر کو اجاگر کرنا تھا، میرے دل میں کوئی بغض یا کسی کے جذبات کو ٹھیس پہنچانا مقصد نہیں۔

It's unfortunate how things are being blown out of proportion and people in sports are being subjected to unnecessary pressure. It is sad that this requires an explanation at public level.

My comment about a Pakistan player's hometown was only meant to highlight the challenges… pic.twitter.com/G722fLj17C
— Sana Mir ثناء میر (@mir_sana05) October 2, 2025