شہید پولیس اہلکار کے اہل خانہ کو گھر دے دیا گیا ،ترجمان

پیر 6 اکتوبر 2025 16:35

لاہور (اُردو پوائنٹ اخبارتازہ ترین - اے پی پی۔ 06 اکتوبر2025ء) پنجاب پولیس اپنے شہدا کے اہل خانہ کو چھت کی فراہمی کیلئے پر عزم ہے،فرض کی راہ میں شہادت پانے والے ایک اور پولیس اہلکار کے اہل خانہ کو گھر دیدیا گیا۔ترجمان پنجاب پولیس کے مطابق شہید کانسٹیبل زاہد حسن کے اہل خانہ کو ایک کروڑ 35 لاکھ روپے مالیت کا گھر دیا گیا۔

(جاری ہے)

شہید کے اہلخانہ کو انکی پسند کے مطابق رحیم یار خان کے علاقہ سخی سرور کالونی میں گھر خرید کر دیا گیا۔

آئی جی پنجاب ڈاکٹر عثمان انور کی خصوصی کاوش پر حکومت پنجاب نے شہید کے اہلخانہ کے گھر کیلئے فنڈز جاری کئے۔شہید کانسٹیبل زاہد حسن نے کچہ کے علاقہ میں جرائم پیشہ افراد کی فائرنگ سے جام شہادت نوش کیا۔آئی جی پنجاب نے کہاہے کہ کانسٹیبل زاہد حسن نے اپنی جان کی پرواہ کئے بغیر فرائض کی ادائیگی کے دوران جام شہادت نوش کیا۔ پنجاب پولیس اپنے بہادر فرزند کی لازوال قربانی کو کبھی فراموش نہیں کرے گی۔

Facebook Twitter Google + Share on Whatsapp

شہید پولیس اہلکار کے اہل خانہ کو گھر دے دیا گیا ،ترجمان

متعلقہ عنوان :

مزید قومی خبریں