اسسٹنٹ کمشنر سیالکوٹ کا بارش کے بعد مختلف علاقوں کا دورہ ،نکاسی کے انتظامات کا جائزہ لیا

پیر 6 اکتوبر 2025 14:41

سیالکوٹ (اُردو پوائنٹ اخبارتازہ ترین - اے پی پی۔ 06 اکتوبر2025ء) اسسٹنٹ کمشنر سیالکوٹ خواجہ عمیر نے موسلادھار بارش کے بعد شہر کے مختلف علاقوں کا دورہ کیا اور نکاسی کے انتظامات کا جائزہ لے کر عملے کوضروری ہدایات جاری کیں۔

(جاری ہے)

ترجمان تحصیل انتظامیہ کے مطابق اسسٹنٹ کمشنر نے کہا ہے کہ میونسپل کمیٹی و ایس ڈبلیو ایم سی کا متعلقہ عملہ شہر کے نشیبی علاقوں سے پانی کی مکمل نکاسی تک فیلڈ میں موجود رہے ، بارش کے پانی کی نکاسی اور دیگر انتظامات کے لئے مشینری اورعملہ ذمہ داری کامظاہرہ کرے تاکہ شہریوں کو کسی بھی قسم کی مشکلات سے بچایا جاسکے۔ اسسٹنٹ کمشنر نے ڈسپوزل سٹیشنزکو بھی بلا تعطل فنکشنل رکھنے کی ہدایت کی۔