پاکستانی فلم نے آسکر کے برابر سمجھا جانے والا جیکسن وائلڈ میڈیا ایوارڈ حاصل کرلیا

پیر 6 اکتوبر 2025 18:42

نیو یارک (اُردو پوائنٹ اخبارتازہ ترین - این این آئی۔ 06 اکتوبر2025ء) پاکستانی فلم موکلانی دی لاسٹ موہناز نے جیکسن وائلڈ میڈیا ایوارڈ حاصل کر کے تاریخ رقم کر دی۔غیر ملکی میڈیا رپورٹس کے مطابق جیکسن وائلڈ میڈیا ایوارڈ دنیا بھر میں آسکر ایوارڈز کے متوازی سمجھا جاتا ہے۔یہ فلم پاکستان میں موسمیاتی بحران کے پس منظر میں منچھر جھیل کے مقامی ماہی گیری برادری موہنا کی کوششوں کی عکاسی کرتی ہے۔

(جاری ہے)

ہدایت کار جواد شریف نے اپنے سوشل میڈیا اکانٹ پر پیغام جاری کرتے ہوئے کہا کہ تاریخ رقم ہوگئی، ہماری فلم موکلانی پہلی پاکستانی فیچر فلم ہے جس نے جیکسن وائلڈ میڈیا ایوارڈز 2025 اپنے نام کیا ہے۔ فلمی دنیا میں یہ ایوارڈ آسکر کے برابر سمجھا جاتا ہے۔جیکسن وائلڈ میڈیا ایوارڈ کیلئے فلم ساز جواد شریف کی ہدایت کاری میں بننے والی اِس فلم کا انتخاب 500 سے زائد مشہور فلموں میں سے کیا گیا۔