راولپنڈی پولیس کا مختلف علاقوں میں سرچ آپریشن

پیر 6 اکتوبر 2025 18:55

راولپنڈی(اُردو پوائنٹ اخبارتازہ ترین - این این آئی۔ 06 اکتوبر2025ء) راولپنڈی پولیس نے مختلف علاقوں میں سرچ آپریشن کے دوران گھروں، دوکانوں، اورافراد کے کوائف کا اندراج کیا ۔

(جاری ہے)

تفصیلات کے مطابق سی پی او سید خالد ہمدانی کی ہدایت پر راولپنڈی پولیس نے مختلف علاقوں میں سرچ آپریشن کیا، سرچ آپریشن میں مقامی پولیس، ایلیٹ فورس، لیڈیز پولیس سمیت دیگر قانون نافذ کرنے والے اداروں نے حصہ لیا، سرچ آپریشن میں 35گھروں،54دوکانداروں اور150سے زائدافراد کے کوائف کا اندراج کیا گیا،سرچ آپریشن تھانہ روات، چونترہ ،کلر سیداں، جاتلی، اور گنجمنڈی کے علاقوں میں کیا گیا۔

ڈویژنل ایس پیز نے کہاکہ سرچ آپریشنز کا مقصد جرائم پیشہ عناصر کی بیخ کنی کرنا ہے، نیشنل ایکشن پلان کے تحت سرچ آپریشنز کا سلسلہ جاری رہے گا۔