جیکب آباد کے بولان محلہ میں مسلح افراد نے شہری سے موٹر سائیکل اور موبائل فون چھین لیا، رند برادری کا احتجاجی دھرنا

پیر 6 اکتوبر 2025 18:55

جیکب آباد(اُردو پوائنٹ اخبارتازہ ترین - این این آئی۔ 06 اکتوبر2025ء) جیکب آباد کے بولان محلہ میں مسلح افراد نے شہری سے موٹر سائیکل اور موبائل فون چھین لیا، رند برادری کا احتجاجی دھرنا۔

(جاری ہے)

تفصیلات کے مطابق جیکب آباد ضلع میں امن و امان کی صورتحال مسلسل بگڑتی جارہی ہے، لوٹ مار، ڈکیتی اور چوری کی وارداتیں معمول بن چکی ہیں جس کی وجہ سے عوام عدم تحفظ کا شکار ہوچکے ہیں، صدر تھانے کی حدود بولان محلہ میں مسلح افراد نے مجیب اللہ رند سے 125 موٹر سائیکل اور موبائل فون چھین لیا اور باآسانی فرار ہوگئے، واقعے کے خلاف رند برادری نے شدید احتجاج کرتے ہوئے شکارپور روڈ پر دھرنا دے کر ٹریفک معطل کردی احتجاجی دھرنے کی قیادت حاجی غلام نبی رند، محمد چھٹل رند، نظیر مینگل نے کی شہریوں نے پولیس کے خلاف نعرے بازی کی اور کہا کہ شہر میں بڑھتی ہوئی وارداتوں نے عوام کا جینا دوبھر کر دیا ہے، مقررین نے کہا کہ اگر پولیس نے ملزمان کو فوری گرفتار نہ کیا تو احتجاج کا دائرہ مزید وسیع کیا جائے گا، دھرنے کے باعث شکارپور روڈ پر گاڑیوں کی لمبی قطاریں لگ گئیں بعد ازاں انتظامیہ کی یقین دہانی پر مظاہرین نے دھرنا ختم کیا۔