مدرسہ الرشید عثمانیہ راولپنڈی کے طلبہ و فیکلٹی ممبران کا پارلیمنٹ ہائوس اسلام آباد کا دورہ

منگل 7 اکتوبر 2025 14:53

اسلام آباد (اُردو پوائنٹ اخبارتازہ ترین - اے پی پی۔ 07 اکتوبر2025ء) مدرسہ الرشید عثمانیہ راولپنڈی کے طلبہ و فیکلٹی ممبران پر مشتمل وفد نے پارلیمنٹ ہائوس اسلام آباد کا دورہ کیا۔

(جاری ہے)

منگل کو سینیٹ سیکرٹریٹ سے جاری بیان کے مطابق سینیٹ کے اعلیٰ حکام نے وفد کو خوش آمدید کہا، وفد کو سینیٹ میوزیم کا دورہ کروایا جہاں پاکستان کی پارلیمانی تاریخ اور ایوان بالا کے کردار پر مبنی معلوماتی ڈاکومنٹری بھی دکھائی گئی۔

وفد کو ایوان بالا کے قانون سازی کے عمل اور کام کے طریقہ کار پر جامع بریفنگ دی گئی۔ وفد نے سینیٹ کی کارکردگی، پارلیمانی روایات اور جمہوری عمل میں گہری دلچسپی کا اظہار کیا۔ وفد نے سینیٹ ہال کا دورہ بھی کیا جہاں پر انہیں سینیٹ اجلاس کی کارروائی بارے بھی بریفنگ دی گئی۔ وفد نے سینیٹ حکام کا شکریہ ادا کیا اور اس دورے کو یادگار اور مفید قرار دیا۔