ھ* مریضوں کے علاج معالجے میں کوتاہی اور غفلت ہرگز برداشت نہیں کی جائے گی ، ڈی سی پشین

منگل 7 اکتوبر 2025 19:20

Eپشین(اُردو پوائنٹ اخبارتازہ ترین - آن لائن۔ 07 اکتوبر2025ء) ڈپٹی کمشنر منصور احمد قاضی کی جانب سے ضلع بھر کے تمام چھوٹے بڑے سرکاری ہسپتالوں کی مانیٹرنگ اور اچانک دوروں کے جاری سلسلے میں مزید اضافہ کر دیا ہے،تفصیلات کے مطابق ڈپٹی کمشنر قاضی منصور نے RHC اور BHU ہسپتال کلی ملکیار کا اچانک دورہ کیا جہاں انہوں نے ایمرجنسی،او،پی،ڈی اور وارڈز میں ڈاکٹروں و عملے کی حاضری چیک کی،انہوں نے فارمیسی میں ادویات کی دستیابی اور دواوں کی فہرست کا تفصیلی معائنہ بھی کیا،جبکہ مریضوں اور لواحقین سے سروس ڈیلیوری اور ادویات کی فراہمی سے متعلق دریافت کیا گیا،ڈپٹی کمشنر نے کہا کہ حکومت بلوچستان کی ہدایت کے مطابق علاج معالجہ کے معیار کو بہتر بنایا جا رہا ہے،جس پر کسی قسم کا سمجھوتہ نہیں کیا جائے گا،منصور قاضی نے واضح کیا کہ مریضوں کے علاج معالجے میں کوتاہی اور غفلت ہرگز برداشت نہیں کی جائے گی جبکہ غیر حاضر یا لاپرواہ عملے کے خلاف سخت کارروائی عمل میں لائی جائے گی۔