پاکستان سمیت دنیا بھر میں رواں سال کے پہلے سپرمون کا شاندار نظارہ

رواں سال کا دوسرا سپر مون 5 نومبر 2025 کو اور تیسرا 5 دسمبر کو نظر آنے کی توقع ہے، جبکہ نومبر والا سپر مون سال کا سب سے روشن ہوگا

منگل 7 اکتوبر 2025 21:50

�ی(اُردو پوائنٹ اخبارتازہ ترین - این این آئی۔ 07 اکتوبر2025ء) پاکستان سمیت دنیا بھر میں رواں سال کے پہلے سپر مون کا دلکش نظارہ دیکھا گیا۔ یہ چاند سورج غروب ہونے کے فوراً بعد مشرق میں طلوع ہوا اور عام چاند کے مقابلے میں تقریباً 6.6فیصد بڑا اور 13 فیصد زیادہ روشن دکھائی دیا۔ماہرین فلکیات کے مطابق سپر مون کے دوران چاند معمول سے زیادہ روشن اور قریب نظر آیا، ہارویسٹ سپر مون (Harvest Supermoon) زمین کے انتہائی قریب ہے جس کے باعث وہ معمول سے زیادہ بڑا اور چمکدار نظر آ یا۔

چاند اپنے عروج پر 99.8 فیصد روشن دکھائی دیا۔ دلچسپ بات یہ ہے کہ سپر مون سیارہ زحل کے قریب دکھائی دیا، جو چاند کے بائیں جانب دیکھا جا سکتا ہے۔ماہرین کے مطابق، سپر مون کا یہ مرحلہ قدیم دور کے کسانوں کے لیے اہم سمجھا جاتا تھا کیونکہ وہ اس اضافی روشنی میں اپنی خزاں کی فصلیں کاٹتے تھے۔

(جاری ہے)

اسی مناسبت سے اسے ہارویسٹ مون کہا جاتا ہے۔سوشل میڈیا پلیٹ فارم ایکس (X)پر صارفین نے سپر مون کی شاندار تصاویر شیئر کیں۔

ان میں سابق امریکی عہدے دار مونیکا کرالی اور معروف خلا باز کرس ہیڈفیلڈ بھی شامل تھے، جنہوں نے اسے قدرت کا حسین جادو قرار دیا۔ماہرینِ نجوم کے مطابق، اس بار کا سپر مون برجِ حمل (Aries) میں تھا، جو جذبے، عمل اور نئے آغاز کی علامت سمجھا جاتا ہے۔رواں سال کا دوسرا سپر مون 5 نومبر 2025 کو اور تیسرا 5 دسمبر کو نظر آنے کی توقع ہے، جبکہ نومبر والا سپر مون سال کا سب سے روشن ہوگا۔