عوامی مسائل کے بروقت حل کےلئے متعلقہ افسران کو ہدایات جاری کی ہیں، ڈپٹی کمشنربہاولپور

بدھ 8 اکتوبر 2025 19:12

بہاولپور (اُردو پوائنٹ اخبارتازہ ترین - اے پی پی۔ 08 اکتوبر2025ء) ڈپٹی کمشنربہاولپور ڈاکٹر فرحان فاروق روزانہ کی بنیاد پر اپنے دفتر میں عوام کے مسائل حل کرنے کے لیے موجود رہتے ہیں اور سائلین کے مسائل سنتے ہیں۔انہوں نے عوامی مسائل کے بروقت حل اور سائلین کی دادرسی کیلئے سرکاری محکموں کے متعلقہ افسران کو ہدایات جاری کی ہیں۔ ڈپٹی کمشنر نےسائلین کے مسائل سنے اور ان کے فوری حل کیلئے احکامات بھی جاری کئے۔

(جاری ہے)

انہوں نے شہریوں کے حصول اراضی قبضہ،غلط اندراج مقدمہ،پٹواری کیخلاف کارروائی،راستہ واگزار کرانے،درستگی ریکارڈ اور مالی امداد سے متعلق مسائل حل کیے۔ ڈپٹی کمشنر نے کہا ہے کہ ضلع بھر میں حکومت پنجاب کے احکامات کی روشنی میں تمام افسران اپنے دفاتر میں بیٹھنے اور شہریوں کے مسائل سننے کے پابند ہیں۔ وزیراعلیٰ پنجاب مریم نواز شریف کا یہ اقدام سرکاری اداروں کی فعالیت،عوام کو ریلیف کی فراہمی اور سرکاری اداروں پر اعتماد کو بڑھانے کی پہلی کڑی ہے،شہری بلاروک ٹوک میرے آفس آ سکتے ہیں۔