پشاور پولیس نےسنگین جرائم میں حسن خیل پولیس کو مطلوب اشتہاری مجرم گرفتار کر لیا

بدھ 8 اکتوبر 2025 21:20

پشاور (اُردو پوائنٹ اخبارتازہ ترین - اے پی پی۔ 08 اکتوبر2025ء) پشاور پولیس نے سنگین جرائم میں حسن خیل پولیس کو مطلوب اشتہاری مجرم گرفتار کر لیا۔ تر جمان کے مطابق کیپٹل سٹی پولیس پشاور نے اشتہاری مجرمان اور جرائم پیشہ عناصر کے خلاف کریک ڈاؤن مزید تیز کر دیا گیا ہے۔

(جاری ہے)

اسی تسلسل میں ایس ایچ او تھانہ حسن خیل شیر نواز خان نے اپنی ٹیم کے ہمراہ خفیہ اطلاع پر بروقت اور کامیاب کارروائی کرتے ہوئے دوہرے قتل، اقدام قتل اور دیگر سنگین جرائم میں مطلوب مجرم اشتہاری غلام سید ولد گل مرخان کو گرفتار کرلیا۔

گرفتار مجرم اشتہاری نواحی علاقہ غازی خیل کا رہائشی ہے،اشتہاری مجرم سے مزید تفتیش جاری ہے، جس سے اہم انکشافات کی توقع ہے۔کیپٹل سٹی پولیس پشاور شہریوں کے جان و مال کے تحفظ اور امن عامہ کی بحالی کے لیے جرائم پیشہ عناصر کے خلاف سخت اور بلاامتیاز کارروائیاں جاری رکھے گی۔