راولپنڈی، مذہبی جماعت کے احتجاج کیلئے خطرناک اشیا پہنچانے کی کوشش ناکام

چکلالہ پولیس نے دو ملزمان کیخلاف دہشتگردی کی دفعات کے تحت مقدمہ درج کرلیا

بدھ 8 اکتوبر 2025 21:35

راولپنڈی (اُردو پوائنٹ اخبارتازہ ترین - این این آئی۔ 08 اکتوبر2025ء) مذہبی سیاسی جماعت کے پرتشدد احتجاج و ریلی کے لئے خطرناک اشیا کی ترسیل کرنے والے دو افراد کو گرفتار کرلیا گیا۔

(جاری ہے)

ترجمان کے مطابق چکلالہ پولیس نے مشکوک گاڑی کو روک کر تلاشی لی تو گاڑی سے 54ڈنڈے، 37غلیلیں، سینکڑوں کی تعداد میں قنچے اور نمک کے پیکٹ برآمد ہوئے، مذکورہ سامان 10اکتوبر کو مذہبی سیاسی جماعت کے احتجاج کیلئے کارکنان میں تقسیم کیا جانا تھا۔ پولیس کے مطابق ملزمان کیخلاف دہشتگردی اور مجرمانہ سازش کی دفعات کے تحت مقدمہ درج کرلیا گیا ہے۔ پولیس حکام نے کہا کہ سیاست کی آڑ میں پرتشدد سرگرمیوں کی اجازت نہیں دی جا سکتی، قانون نافذ کرنے والے اداروں یا شہریوں پر حملہ کرنے والوں سے سختی سے نمٹا جائے گا۔