پاکستان سائیکلنگ فیڈریشن نے 70ویں نیشنل ٹریک سائیکلنگ چیمپئن شپ 2025 کا اعلان کر دیا

جمعرات 9 اکتوبر 2025 17:05

اسلام آباد (اُردو پوائنٹ اخبارتازہ ترین - اے پی پی۔ 09 اکتوبر2025ء) پاکستان سائیکلنگ فیڈریشن نے اعلان کیا ہے کہ 70ویں نیشنل ٹریک سائیکلنگ چیمپئن شپ 15 سے 17 نومبر 2025 کو سائیکلنگ ویلوڈرم لاہور میں منعقد ہوگی۔چیمپئن شپ میں پاکستان سائیکلنگ فیڈریشن سے منسلک یونٹس کی نمائندگی کرے گے سینئر اور جونیئر کے ایونٹ میں مرد اور خواتین سائیکلسٹ شامل ہوں گے۔

ایونٹ کا مقصد مسابقتی سائیکلنگ کو فروغ دینا، نئے ٹیلنٹ کی نشاندہی کرنا اور کھیل میں پاکستان کی پوزیشن کو مزید مستحکم کرنا ہے۔پاکستان سائیکلنگ فیڈریشن کے صدر سید اظہر علی شاہ نے کہا ہے کہ تمام الحاق شدہ یونٹس کو مشورہ دیا گیا ہے کہ وہ ایونٹ سے قبل ضروری تیاری کریں اور تربیتی کیمپ کا انعقاد کریں۔ انہوں نے کہا کہ نیشنل ٹریک چیمپئن شپ ہمارے سالانہ کیلنڈر کا ایک اہم حصہ ہے، اور ہم تمام صوبوں اور محکموں کی جانب سے بھرپور شرکت کے منتظر ہیں۔

(جاری ہے)

پی سی ایف مناسب وقت پر ایونٹ کا تفصیلی شیڈول اور تکنیکی رہنما خطوط جاری کرے گا۔ تمام شرکاء کو اس بات کا یقین کرنے کی ضرورت ہے کہ ان کے سائیکلنگ لائسنس 2025 دسمبر تک قابل استعمال ہو اورفیدریشن کو چیمپئن شپ سے پہلے اپ ڈیٹ کیا جائے۔چمپئن شپ کے دوران بہترین کھلاڑیوں کا چناو بھی کیا جائے گا تاکہ 2026 میں ایشن ٹریک چمپئن شپ میں قومی ٹیم شرکت کر سکے۔