Live Updates

علیمہ خان کی اندراجِ مقدمات کی درخواستوں پر سماعت مکمل، فیصلہ محفوظ

کارکنوں سمیت گرفتار کرکے ویرانے میں چھوڑ دیا جاتا ہے، کوئی واقعہ ہو سکتا ہے، موقف

جمعرات 9 اکتوبر 2025 20:35

راولپنڈی (اُردو پوائنٹ اخبارتازہ ترین - این این آئی۔ 09 اکتوبر2025ء) بانی پی ٹی آئی عمران خان کی بہن علیمہ خان کی جانب سے اندراجِ مقدمات کی درخواستوں پر سماعت مکمل ہونے کے بعد عدالت نے فیصلہ محفوظ کرلیا۔

(جاری ہے)

جمعرات کو ایڈیشنل ڈسٹرکٹ اینڈ سیشن جج راولپنڈی نے علیمہ خان کی اڈیالہ جیل کے باہر کارکنوں کو ہراساں کرنے ،اڈیالہ جیل کے باہر انڈہ پھینکنے کے خلاف مقدمات درج کرنے بارے درخواستوں پر سماعت کی ۔

درخواست میں موقف اختیار کیا گیا ہے کہ کارکنوں سمیت علیمہ خان اور ان کی بہنوں کو گرفتار کر کے رات گئے ویرانے میں چھوڑ دیا جاتا ہے۔ رات گئے ویرانے میں چھوڑنے سے کوئی واقعہ ہوسکتا ہے، لہذا ایسا کرنے سے روکا جائے۔ علاوہ ازیں اڈیالہ جیل میں عمران خان کی ہائی کورٹ کے فیصلے کے مطابق آئسولیشن ختم کرنے کا حکم دیا جائے۔عدالت نے سماعت کے بعد درخواستوں پر فیصلہ محفوظ کرلیا۔
Live عمران خان سے متعلق تازہ ترین معلومات