سیلاب متاثرین کے سروے بارے شکایات کیلئے بھی فورم ہونا چاہیے ‘ مسرت جمشید چیمہ

لائیو سٹاک کا نقصان اچھی نسل کے جانوروں کی فراہمی کے ذریعے پورا کیا جائے ‘ سینئر رہنما پی ٹی آئی

جمعہ 10 اکتوبر 2025 11:35

سیلاب متاثرین کے سروے بارے شکایات کیلئے بھی فورم ہونا چاہیے ‘ مسرت ..

لاہور(اُردو پوائنٹ اخبارتازہ ترین - این این آئی۔ 10 اکتوبر2025ء) پاکستان تحریک انصاف کی سینئر رہنما مسرت جمشید چیمہ نے کہا ہے کہ سیلاب متاثرین کے نقصانات کے ازالے سروے کے حوالے سے شکایات کیلئے بھی فورم ہونا چاہیے ،جن کسانوں کے لائیو سٹاک کا نقصان ہوا ہے اسے اچھی نسل کے جانوروں کی فراہمی کے ذریعے پورا کیا جانا چاہیے ۔

(جاری ہے)

اپنے بیان میں انہوں نے کہا کہ سروے مکمل ہونے پر بلا تاخیر امداد کی فراہمی کا آغاز کر دیا جائے ،حکومت کے زیر اہتمام زرعی بینک اور نجی بینکوں کوبھی پابند کیاجائے کہ وہ سیلاب متاثرین کے لئے بلاسود اور آسان شرائط پر قرض کی اسکیمیں لائیں ۔

اگر سیلاب سے تباہ حال کسان کو پائوں پر کھڑا کرنے میں کامیاب ہو گئے تو زرعی معیشت بچ جائے گی بصورت دیگر بہت نقصان ہوگا۔ انہوں نے کہا کہ کسانوں کے نقصان کے ازالے کے لئے اعلان کردہ امداد کی رقم انتہائی کم ہے اس لئے اس پر نظر ثانی کی جائے ۔