کیسپرسکی رپورٹ، کمپیوٹر پرینکس اور سائبر حملوں میں حیرت انگیز مشابہت

کراچی(اُردو پوائنٹ اخبارتازہ ترین - این این آئی۔ 10 اکتوبر2025ء) کیسپرسکی کی ایک حالیہ سروے رپورٹ میں انکشاف ہوا ہے کہ پاکستان میں 69.5 فیصد ملازمین اور کاروباری افراد کمپیوٹر کا استعمال کرتے ہیں اور ان کو ایسی صورتحال کا سامنا کرنا پڑ چکا ہیجب ان کے ساتھیوں (39.5 فیصد)، دوستوں یا رشتہ داروں (30 فیصد) نے ان کے ان لاک کمپیوٹر پر مذاق کیا۔ ان شرارتوں میں اکاؤنٹس سے مزاحیہ پیغامات یا ای میلز بھیجنا، ڈیسک ٹاپ کا اسکرین شاٹ بطور وال پیپر لگانا، یا غیر متوقع تصاویر اور نوٹس رکھنا شامل تھے۔

دلچسپ بات یہ ہے کہ صرف 1.8 فیصد افراد نے اعتراف کیا کہ انہوں نے خود ایسے مذاق کیے۔کیسپرسکی کے ماہرین کے مطابق اسی نوعیت کے حربے سائبر حملہ آور بھی استعمال کرتے ہیں۔ مثال کے طور پر، ایک فشنگ ویب سائٹ نئی ونڈو میں فل اسکرین موڈ میں کھل سکتی ہے، جس سے براؤزر کی اصل ایڈریس بار غائب ہو جاتی ہے۔

(جاری ہے)

اس کے بجائے حملہ آور ایک جعلی براؤزر بار کی تصویر لگاتے ہیں جس میں کسی معروف ادارے کا درست لنک دکھایا جاتا ہے۔

اس پر مختلف قسم کے پیغامات (بصری یا آڈیو) جیسے‘‘آپ کا کمپیوٹر لاک ہو گیا ہے’’یا‘‘جرمانہ ادا کریں’’ظاہر کیے جاتے ہیں۔کیسپرسکی نے خبردار کیا ہے کہ مختصر لنکس اور کیو آر کوڈز بھی خطرناک ہو سکتے ہیں، کیونکہ یہ غیر متوقع ڈاؤن لوڈز یا جعلی ویب سائٹس کی طرف لے جا سکتے ہیں۔ کیسپرسکی کے ٹیکنالوجی کنسلٹنٹ برانڈن ملر کا کہنا ہے دوستانہ مذاق اگرچہ مالی نقصان یا ڈیٹا چوری کا باعث نہیں بنتے، مگر پھر بھی یہ خوشگوار نہیں ہوتے۔

ہمیشہ محتاط رہیں، مضبوط پاس ورڈز استعمال کریں اور اپنے آلات لاک رکھیں۔کیسپرسکی نے مشورہ دیا ہے کہ اپنے کمپیوٹر یا ڈیوائس کو بغیر نگرانی کے نہ چھوڑیں۔ ہر ڈیوائس اور سروس کے لیے الگ اور مضبوط پاس ورڈ رکھیں۔ پاس ورڈ مینیجر استعمال کریں تاکہ یاد رکھنے میں آسانی ہو۔ فشنگ ای میلز کی پہچان کریں ظ بھیجنے والے کے ایڈریس، مشکوک فائل اٹیچمنٹ، یا غیر واضح فوری پیغامات پر توجہ دیں۔

صرف معتبر ذرائع سے آنے والی ای میلز یا لنکس کھولیں، اور اگر شک ہو تو بھیجنے والے سے کسی متبادل ذریعے سے رابطہ کریں۔ اپنے ادارے میں سائبر سیکیورٹی آگاہی پروگرام، جیسیکیسپرسکی آٹومیٹڈ سکیورٹی آگاہی پلیٹ فارم ، اپنائیں۔ اپنے سسٹم پر جدید سیکیورٹی سلوشنز، جیسے کیسپرسکی نیکسٹ یا کیسپرسکی پریمئیم نصب کریں۔