گذشتہ 24 گھنٹوں کے دوران 343 کومبنگ آپریشنز،32 مشکوک افراد حراست میں لئے ، ترجمان

ہفتہ 11 اکتوبر 2025 19:59

لاہور (اُردو پوائنٹ اخبارتازہ ترین - اے پی پی۔ 11 اکتوبر2025ء) موجودہ ملکی صورتحال کے پیش نظر پنجاب پولیس کے لاہور سمیت صوبہ بھر میں سرچ، سویپ و کومبنگ آپریشنز جاری ہیں۔ ترجمان پنجاب پولیس نے بتایا کہ گذشتہ 24 گھنٹوں کے دوران343 کومبنگ آپریشنز کے دوران 9 ہزار 745 مشتبہ افراد کی چیکنگ کی گئی جبکہ32 مشکوک افراد حراست میں لئے گئے۔ اسی طرح 25 سرچ اینڈ سویپ آپریشنز بھی عمل میں لائے گئے اور 2730 سے زائد افراد سے پوچھ گچھ کے دوران 02 مشتبہ افراد حراست میں لئے گئے۔

(جاری ہے)

ترجمان نے مزید بتایا کہ سنگین جرائم میں ملوث281 اشتہاری، 66 عدالتی مفروراور32 عادی مجرمان بھی گرفتار کیے گئے۔ جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں بھی برآمد کی گئیں۔ ترجمان نے مزید بتایا کہ جرائم پیشہ افراد کے خلاف کارروائیوں کے دوران 3 مجرمان کیفر کردار کو پہنچے، 4 زخمی اور 3 کو گرفتار کیا گیا۔ آئی جی پنجاب ڈاکٹر عثمان انور نے ہدایت دیتے ہوئے کہا کہ ملک دشمن و جرائم پیشہ عناصر کا محاسبہ کرنے کیلئے سرچ، سویپ اینڈ کومبنگ آپریشنز جاری رکھے جائیں۔