حکومت کا بے نظیر انکم سپورٹ پروگرام کے مستفدین کو ڈیجیٹل والٹ پر منتقل کرنے کا فیصلہ

جون 2026ء تک ڈیجیٹل ٹرانزیکشنز سالانہ ساڑھے 7 ارب سے بڑھا کر 15 ارب تک لے جائی جائے گی؛ وزارت خزانہ

ساجد علی اتوار 12 اکتوبر 2025 14:00

حکومت کا بے نظیر انکم سپورٹ پروگرام کے مستفدین کو ڈیجیٹل والٹ پر منتقل ..

اسلام آباد ( اُردو پوائنٹ اخبارتازہ ترین۔ 12 اکتوبر2025ء ) حکومت نے بے نظیر انکم سپورٹ پروگرام کے مستفدین کو ڈیجیٹل والٹ پر منتقل کرنے کا فیصلہ کرلیا۔ وزارت خزانہ کے ذرائع کے مطابق وزیر اعظم شہباز شریف کے کیش لیس پاکستان سٹرٹیجک روڈ میپ کے تحت جون 2026ء تک ڈیجیٹل لین دین کے لیے فعال تاجروں کا ہدف 5 لاکھ سے بڑھا کر 15 لاکھ کیا جائے گا، بے نظیر انکم سپورٹ پروگرام کے مستفدین کو ڈیجیٹل والٹ پر تبدیل کیا جائے گا، تمام جی ٹو جی اور پی ٹو جی کو ڈیجیٹل ادائیگیوں میں تبدیل کیا جائے گا۔

ذرائع وزارت خزانہ کی جانب سے بتایا گیا ہے کہ ڈیجیٹل لین دین کو زیادہ قابل رسائی، محفوظ اور سہل بنانے کے لیے وزیر اعظم کیش لیس سٹریٹیجک روڈ میپ کے تحت چند اہم اہداف اور سنگ میل طے کیے گئے ہیں، جن کے تحت جون 2026ء تک ڈیجیٹل لین دین کے لیے فعال تاجروں میں موجودہ 5 لاکھ تعداد کو بڑھا کر 15 لاکھ کیاجائے گا، جون 2026ء تک ڈیجیٹل ٹرانزیکشنز سالانہ ساڑھے 7 ارب سے بڑھا کر 15 ارب تک لے جائی جائے گی۔

(جاری ہے)

اس کے علاوہ مزید یہ کہ ڈیجیٹل انڈیکس کا آغازاور اسے ٹریک کرنا، سٹیزن اسلام آباد ایپ پر استعمال کے کیسز کی مکمل ڈیجیٹائزیشن کرنا بھی حکومتی اہداف میں شامل ہے، ان اہداف کے تحت ڈیجیٹل نیشن پاکستان اتھارٹی کو فعال کیاجائے گا، تمام حکومتی سطح کے اور پی 2 جی کو ڈیجیٹل ادائیگیوں پر تبدیل کیا جائے گا، ان اہداف کے تحت بے نظیر انکم سپورٹ پروگرام کے مستفدین کو ڈیجیٹل والٹ پر تبدیل کیا جائے گا۔