بلوچستان ،جیلوں کی سیکورٹی مزید سخت کرنے کیلئے اقدامات کا فیصلہ

پیر 13 اکتوبر 2025 17:36

کوئٹہ(اُردو پوائنٹ اخبارتازہ ترین - این این آئی۔ 13 اکتوبر2025ء) بلوچستان میں جیلوں کی سیکورٹی مزید سخت کرنے کیلئے اقدامات کا فیصلہ،پانچ کروڑ سے زائد کا اسلحہ اور جدید مواصلاتی آلات خریدے جارہے ہیں جبکہ 140جیل وارڈنز اور دیگر عملے کی بھرتی کا عمل شروع کردیا گیا ۔

(جاری ہے)

محکمہ جیل خانہ جات کے حکام نے بتایا کہ بلوچستان کی بارہ جیلوں میں تین ہزار قیدی پابند سلال ہیںصوبائی حکومت نے امن وامان کی صورتحال کے پیش نظر صوبے کی جیلوں کی سیکورٹی کو مزید سخت کیا جارہا ہے اس مقصد کیلئے صوبائی حکومت کی جانب سے پانچ کروڑ روپے کی رقم مختص کی ہے جس سے جدید اسلحہ اور مواصلاتی آلات خریدے جارہے ہیںجو حساس جیلوں کو مہیا کئے جائیں گے ،،حکام نے بتایا کہ جیلوں میں وارڈنز کی کمی کو دور کرنے کیلئے 140وارڈنز اور دیگر عملے کی بھرتی کا عمل شروع کردیا گیا بھرتی کا عمل مکمل ہونے کے بعد منتخب ہونے والے وارڈنز کو تربیت دی جائے گی ۔