مصدق ملک سے جرمنی کی ڈپٹی ہیڈ آف کوآپریشن کی ملاقات، باہمی دلچسپی کے امور بارے تبادلہ خیال

پیر 13 اکتوبر 2025 23:12

اسلام آباد (اُردو پوائنٹ اخبارتازہ ترین - این این آئی۔ 13 اکتوبر2025ء) وفاقی وزیر برائے موسمیاتی تبدیلی و ماحولیاتی ہم آہنگی سینیٹر ڈاکٹر مصدق ملک سے وفاقی جمہوریہ جرمنی کے سفارتخانے کی ڈپٹی ہیڈ آف کوآپریشن ہیلین پاؤسٹ، گلوبل گرین گروتھ انسٹیٹیوٹ (جی جی جی آئی)اور اقوامِ متحدہ کے ماحولیات کے حوالے سے پروگرام (یو این ای پی۔سی سی سی)کے نمائندوں نے ملاقات کی اور باہمی دلچسپی کے امور بارے تبادلہ خیال کیا۔

پیر کووزارتِ موسمیاتی تبدیلی و ماحولیاتی ہم آہنگی سے جاری بیان کے مطابق ملاقات میں سپورٹنگ پریپرڈنس فار آرٹیکل سکس کوآپریشن (ایس پی اے ا?ر سی)پروگرام کے تحت پاکستان کے کاربن مارکیٹ کے قواعد و ضوابط، قیمتوں کے تعین کے طریقہ? کاراور گورننس فریم ورک کو مضبوط بنانے کے لیے مشترکہ اہداف بارے تبادلہ خیال کیا گیا۔

(جاری ہے)

گفتگو کے دوران اس امر پر روشنی ڈالی گئی کہ پاکستان اب تیاری کے مرحلے سے عملی نفاذ کی جانب بڑھ رہا ہے تاکہ ایک شفاف، قابلِ اعتماد اور عالمی معیار کی دیانت داری پر مبنی کاربن مارکیٹ قائم کی جا سکے۔

ڈاکٹر مصدق ملک نے کہا کہ کاربن مارکیٹس صرف کریڈٹس کے تبادلے تک محدود نہیں بلکہ ان کا مقصد موسمیاتی اقدامات کی منصفانہ قدر کو یقینی بنانا ہے تاکہ کم کی جانے والے ہر ٹن اخراج سے ہمارے عوام اور معیشت کو حقیقی فائدہ پہنچے۔ایس پار 6 سی پروگرام کے تحت یہ اشتراک پاکستان کی پالیسی، ریگولیٹری اور مالیاتی ڈھانچے کو مضبوط بنانے میں معاون ثابت ہوگا، تاکہ موسمیاتی مالیات کے حصول، جدت کے فروغ، اور قومی سطح پر طے شدہ ماحولیاتی اہداف (این ڈی سیز) کے حصول کے لیے پائیدار، مارکیٹ پر مبنی نظام تشکیل دیا جا سکے۔