پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل

رواں سال اب تک 28 لاکھ 70 ہزار سے زائد شہریوں نے خدمت مراکز سے پولیسنگ سروسز حاصل کیں

پیر 13 اکتوبر 2025 22:43

لاہور (اُردو پوائنٹ اخبارتازہ ترین - این این آئی۔ 13 اکتوبر2025ء) پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں۔ تفصیلات سے آگاہ کرتے ہوئے ترجمان پنجاب پولیس نے بتایا کہ رواں سال اب تک 28 لاکھ 70 ہزار سے زائد شہریوں نے خدمت مراکز سے پولیسنگ سروسز حاصل کیں۔ ترجمان نے مزید بتایا کہ 12 لاکھ 68 ہزار 413 شہریوں نے جنرل پولیس ویریفیکیشن کروائی جبکہ 06 لاکھ 94 ہزار سے زائد شہریوں نے پولیس کریکٹر سرٹیفیکیٹ حاصل کئے۔

اسی طرح 03 لاکھ 21 ہزار 563 شہریوں نے کرایہ داری اندراج کروایا اور 01 لاکھ 34 ہزار 600 شہریوں نے میڈیکولیگل سرٹیفیکیٹس حاصل کئے۔ ترجمان پنجاب پولیس نے بتایا کہ کمزور طبقات کیلئے جاری اقدامات کے تحت ایک لاکھ 7 ہزار سے زائد افراد کو قانونی و سماجی تحفظ فراہم کیا گیا جبکہ 36 ہزار سے زائد شہریوں نے وہیکلز ویری فیکیشن کروائی۔

(جاری ہے)

اسی طرح 72 ہزار 480 شہریوں نے دستاویزات کی اندراج گمشدگی، 3748 جرائم رپورٹ کی رجسٹریشن کروائی اور01 لاکھ 60 ہزار سے زائد شہریوں نے ایف آئی آر کی نقول حاصل کیں، 72 ویمن وائیلنس رپورٹس درج ہوئیں۔

ترجمان نے بتایا کہ 68 ہزار 943 شہریوں نے ایمپلائیز رجسٹریشن (ROPE) کروائی جبکہ 2916 شہریوں نے نجی ملازمت کیلئے پولیس ویریفیکیشن کروائی۔ آئی جی پنجاب ڈاکٹر عثمان انور نے کہا کہ خدمت مراکز پبلک سروس ڈلیوری کا شاندار فلیگ شپ پراجیکٹ، شہریوں کو24/7 سہولیات فراہم کی جارہی ہیں۔ انہوں نے مزید کہا کہ لاہور سمیت صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں جبکہ شہریوں کے فیڈ بیک کی روشنی میں سروسز کو مزید اپ گریڈ کیا جارہا ہے۔