حالیہ تجربات کے بعد امریکا پر بھروسہ ممکن نہیں،ایران

امریکہ نے وعدے توڑے اور حالیہ فوجی حملے نے اعتماد کو ختم کردیا،مہدی طباطبائی

بدھ 15 اکتوبر 2025 16:02

تہران(اُردو پوائنٹ اخبارتازہ ترین - این این آئی۔ 15 اکتوبر2025ء) ایران نے ایک بار پھر امریکا پر عدم اعتماد کا اظہار کرتے ہوئے کہا ہے کہ حالیہ تجربات کے بعد ایران امریکا کو قابلِ اعتماد فریق نہیں سمجھتا۔ عرب ٹی وی کے مطابق یہ بات ایرانی صدر کے دفتر کے ڈپٹی ڈائریکٹر برائے اطلاعات مہدی طباطبائی نے ایک بیان میں کہی۔

(جاری ہے)

انہوں نے کہا ہے کہ حکومت کا موقف ہے کہ امریکا پر اب بھروسہ نہیں کیا جا سکتا کیونکہ اس نے اپنے وعدے توڑے اور حالیہ فوجی حملے نے اعتماد کو ختم کردیا۔

ان کا اشارہ ان امریکی حملوں کی جانب تھا جو جون میں ایران کی جوہری تنصیبات پر کیے گئے تھے۔ایرانی عہدیدار نے بتایا کہ ایرانی وفد کے پاس نیویارک میں اقوامِ متحدہ کی جنرل اسمبلی کے اجلاس کے دوران امریکی نمائندوں سے ملاقات کا موقع موجود تھا مگر اس نے بات چیت کی کوئی درخواست نہیں دی۔