چوتھی قومی پولیو مہم کے دوران 4 کروڑ 39 لاکھ سے زائد بچوں کو پولیو سے بچاؤ کے قطرے پلائے گئے

پیر 20 اکتوبر 2025 16:13

اسلام آباد (اُردو پوائنٹ اخبارتازہ ترین - اے پی پی۔ 20 اکتوبر2025ء) رواں سال کی چوتھی قومی پولیو مہم کے دوران 4 کروڑ 39 لاکھ سے زائد بچوں کو کامیابی کے ساتھ پولیو سے بچاؤ کے قطرے پلائے گئے۔ملک بھر میں 13 تا 19 اکتوبر قومی انسدادِ پولیو مہم منعقد کی گئی ۔قومی ایمرجنسی آپریشن سینٹر (این ای او سی ) کی جانب سے جاری بیان کے مطابق سال 2025 کی چوتھی قومی انسدادِ پولیو مہم کامیابی کے ساتھ اختتام پذیر ہو گئی۔

این ای او سی کے حکام نے کہا کہ پنجاب میں 2 کروڑ 31 لاکھ سے زائد بچوں کو پولیو سے بچاؤ کے قطرے پلائے گئے، سندھ میں 1 کروڑ 5 لاکھ سے زائد بچوں کو پولیو سے بچاؤ کے قطرے پلائے گئے، خیبر پختونخوا میں 61 لاکھ 83 ہزار سے زائد بچوں کو پولیو سے بچاؤ کے قطرے پلائے گئے، بلوچستان میں 26 لاکھ 7 ہزار سے زائد بچوں کو پولیو سے بچاؤ کے قطرے پلائے گئے، اسلام آباد میں 4 لاکھ 79 ہزار سے زائد بچوں کو پولیو سے بچاؤ کے قطرے پلائے گئے جبکہ گلگت بلتستان میں تقریباً 2 لاکھ 94 ہزار بچوں کو پولیو سے بچاؤ کے قطرے پلائے گئے۔

(جاری ہے)

آزاد جموں و کشمیر میں 7 لاکھ 33 ہزار سے زائد بچوں کو پولیو سے بچاؤ کے قطرے پلائے گئے۔قوم کے مستقبل کو پولیو سے بچانا ہر فرد کی قومی ذمہ داری ہے۔انہوں نے بتایا کہ جنوبی خیبرپختونخوا میں پیر سے قومی انسدادِ پولیو مہم شروع ہو گئی ہے۔پولیو ٹیموں کو خوش آمدید کہیں اور اپنے بچوں کو پولیو سے بچائو کے قطرے لازمی پلوائیں۔انہوں نے والدین سے اپیل ہے کہ اپنے 5 سال سے کم عمر بچوں کو پولیو سے بچائو کے قطرے لازمی پلائیں تاکہ پولیو کے موذی وائرس سے بچوں کو محفوظ رکھا جا سکے۔انہوں نے والدین، سول انتظامیہ، قانون نافذ کرنے والے اداروں اور پولیو ورکرز کا شکریہ ادا کرتے ہوئے کہا کہ پولیو مہم میں خدمات انجام دینے والے پولیو ورکرز اور سکیورٹی اہلکار قوم کے حقیقی ہیروز ہیں۔