نوابشاہ کے قریب ٹرین حادثہ، دو افراد موقع پر جاں بحق

بدھ 7 جنوری 2026 22:20

نوابشاہ (اُردو پوائنٹ اخبارتازہ ترین - اے پی پی۔ 07 جنوری2026ء) نوابشاہ کے قریب افسوسناک ٹرین حادثہ کے نتیجہ میں دو افراد موقع پر جاں بحق ہو گئے۔

(جاری ہے)

تفصیلات کے مطابق نوابشاہ کے قریب باندھی درمحمد پھاٹک پر ریلوے لائن کراس کرتے ہوئے موٹر سائیکل سوار کراچی سے پنجاب جانیوالی عوام ایکسپریس کی زد میں آگئے اور موٹر سائیکل پر سوار دونوں افراد موقع پر ہی جاں بحق ہوگئے جن کی شناخت صاحب خان اور جبل خان کے نام سے ہوئی ، حادثے کی اطلاع پر پولیس اور اہل علاقہ بھی جائے حادثہ پر پہنچ گئے اور جاں بحق افراد کی نعشیں ہسپتال منتقل کردیں ۔

عینی شاہدین کے مطابق حادثہ ٹرین آنے کے دوران جلدی میں پھاٹک کی کراسنگ کے دوران پیش آیا۔