جیکب آباد ، جے یوآئی سندھ کے پریس سیکریٹری ڈاکٹراے جی انصاری کی خوشدامن انتقال کرگئیں

جمعہ 6 فروری 2026 19:22

جیکب آباد (اُردو پوائنٹ اخبارتازہ ترین - آن لائن۔ 06 فروری2026ء) جے یوآئی سندھ کے پریس سیکریٹری ڈاکٹر اے جی انصاری کی خوشدامن انتقال کرگئیں۔صوبائی امیر جییوآئی مولانا عبدالقیوم ہالیجوی اور جنرل سیکریٹری علامہ راشد محمود سومرو کا اظہارِ افسوس تفصیلات کے مطابق جمعیت علمائے اسلام سندھ کے پریس سیکریٹری ڈاکٹر اے جی انصاری کی خوشدامن کے انتقال کرگئیں۔

جمعیت علمائے اسلام سندھ کی قیادت نے مرحومہ کے انتقال پر گہرے رنج و غم کا اظہار کیا ہے۔جے یوآئی سندھ کے امیر مولانا عبدالقیوم ہالیجوی اور سیکریٹری جنرل علامہ راشد محمود سومرو نے اپنے مشترکہ تعزیتی بیان میں مرحومہ کے انتقال کو ایک ناقابلِ تلافی ذاتی سانحہ قرار دیتے ہوئے کہا کہ دکھ کی اس گھڑی میں جمعیت کی پوری قیادت ڈاکٹر اے جی انصاری اور ان کے اہلِ خانہ کے غم میں برابر کی شریک ہے۔

(جاری ہے)

تعزیتی پیغام میں صوبائی مجلسِ عاملہ کے اراکین مولانا صالح الحداد، مولانا سراج احمد شاہ امروٹی، مولانا عبدالمجیب قریشی، مولانا میر محمد میرک، مولانا محمد ادریس سندھی، مولانا عبدالکریم عابد، قاری محمد عثمان، مولانا صالح اندھڑ، حاجی عبد المالک ٹالپر، مولانا رمضان پھلپھوٹو، مولانا عبداللہ سومرانی، مولانا محمد غیاث، سمیع الحق سواتی، مولانا فتح محمد مہیری، حاجی رفیق احمد سومرو، سرور بلیدی ایڈوکیٹ، سلیم سندھی، مولانا عبدالحمید مہر، ودیگر نے ڈاکٹر اے جی انصاری سے ساس کے انتقال پر تعزیت کرتے ہوئے ان کی کامل مغفرت اور لواحقین کے لئے صبرِ جمیل کی دعا کی۔

جے یوآئی رہنماؤں نے کہا کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور پسماندگان کو یہ صدمہ برداشت کرنے کی توفیق دے۔