اعتزاز احسن قابل اعتماد، پی ٹی آئی کی لیگل کمیٹی (ن) لیگ سے لفافے لیتی ہے، فواد چوہدری

عمران خان کی بہنوں کا اعتزاز احسن کو کیسز دینا درست فیصلہ ہے، آسانیاں کرا لیں گی' سابق وفاقی وزیر

بدھ 11 مارچ 2026 20:45

لاہور (اُردو پوائنٹ اخبارتازہ ترین - این این آئی۔ 11 مارچ2026ء) سابق وفاقی وزیر اطلاعات فواد چوہدری نے الزام عائد کیا ہے کہ پی ٹی آئی کی لیگل کمیٹی جس کے سربراہ سلمان اکرم راجہ ہیں، یہ (ن) لیگ سے لفافے لیتی ہے۔

(جاری ہے)

سماجی رابطے کی سائٹ ایکس پر اپنے ایک بیان میں انہوں نے کہاکہ اعتزاز احسن تحریک انصاف کے وکیلوں کی طرح (ن)لیگ سے کچھ نہیں لیتے۔فواد چوہدری نے کہاکہ سلمان اکرم راجہ کی قیادت میں پی ٹی آئی کی لیگل کمیٹی (ن)لیگ سے لفافے لیتی ہے اور مکمل مل کر گیم کررہی ہے۔انہوں نے کہاکہ اعتزاز احسن کو کیسز دینا عمران خان کی بہنوں کا درست فیصلہ ہے، اللہ ان کی صحت ٹھیک رکھے وہ عمران خان کے لیے آسانیاں کرا لیں گے کیونکہ وہ بدنیت نہیں ہیں۔