جیکب آباد،میلے سے واپسی پر ٹریفک حادثہ، ایک شخص جاں بحق، تین زخمی

بدھ 29 اپریل 2026 16:58

جیکب آباد (اُردو پوائنٹ اخبارتازہ ترین - اے پی پی۔ 29 اپریل2026ء) جیکب آباد کی تحصیل ٹھل کے تھانہ اے سیکشن کی حدود گاؤں اوڈھانو کے قریب درگاہ سید جمن شاہ کے میلے سے واپسی کے دوران دو موٹر سائیکلوں کے درمیان افسوسناک تصادم کے نتیجے میں ایک شخص جاں بحق جبکہ تین افراد زخمی ہو گئے۔پولیس کے مطابق حادثہ تیز رفتاری کے باعث پیش آیا۔

(جاری ہے)

جاں بحق ہونے والے شخص کی شناخت گڑھی حسن کے مقامی 30 سالہ محبت کنڈراںی کے نام سے ہوئی ہے، جنہوں نے موقع پر ہی دم توڑ دیا جبکہ زخمی ہونے والوں میں حبیب اللہ، اعظم علی اور نانا کنڈراںی شامل ہیں، جنہیں فوری طور پر قریبی اسپتال منتقل کر دیا گیا، جہاں انہیں طبی امداد فراہم کی جا رہی ہے۔

ڈاکٹروں کے مطابق زخمیوں میں سے بعض کی حالت تشویشناک بتائی جا رہی ہے جنہیں مزید علاج کے لیے لاڑکانہ منتقل کیا گیا٫پولیس کے مطابق شواہد اکٹھے کرکے واقعے کی تحقیقات شروع کر دی ہے اور مزید تفتیش جاری ہے۔\378