ایف آئی ایکمپوزٹ سرکل فیصل آباد کی کارروائی بینک فراڈ میں ملوث ملزم گرفتار

جمعہ 1 مئی 2026 15:33

مکو آ نہ (اُردو پوائنٹ اخبارتازہ ترین - این این آئی۔ 01 مئی2026ء) فیصل آبادڈائریکٹر ایف آئی اے کی ہدایات پر عمل کرتے ہوئے، ایف آئی اے فیصل آباد نے بینک فراڈ کے ایک اہم مقدمہ میں کارروائی کرتے ہوئے ملزم کو گرفتار کر لیا۔

(جاری ہے)

تفصیلات کے مطابق، ایف آئی اے فیصل آباد نے HBL بینک اسکینڈل سے متعلق درج مقدمہ میں نامزد ملزم موسیٰ رضا ولد سید تنویر حسین، رہائشی النجف کالونی، فیصل آباد کو گرفتار کر لیا ہے۔

ملزم اپنے دیگر ساتھیوں کے ساتھ مل کر ایک اوورسیز اکاؤنٹ ہولڈر فضل احمد شاہ کے اکاؤنٹ سے 128,000 امریکی ڈالر خرد برد کرنے میں ملوث تھا۔ ملزم نے جعلی/ڈپلیکیٹ چیک بک کے ذریعے اور فرضی CBC تیار کر کے فراڈ کیا۔ایف آئی اے کی جانب سے مزید تفتیش جاری ہے تاکہ اس واردات میں ملوث دیگر ملزمان کو بھی گرفتار کیا جا سکے۔