جنونی شخص کی خاتون سمیت 2 بچوں کو قتل کرکے خودکشی، دو بچے زخمی

فائرنگ سے قتل ہونے والوں میں35 سالہ عائشہ ،14 سالہ مفرہ پرویز ،12 سالہ منیب شامل خود کشی کرنے والے ملزم کی شناخت شاہد جٹ کے نام سے ہوئی ،ملزم اور خاتون کی مبینہ دوستی تھی

ہفتہ 2 مئی 2026 11:15

جنونی شخص کی خاتون سمیت 2 بچوں کو قتل کرکے خودکشی، دو بچے زخمی

لاہور(اُردو پوائنٹ اخبارتازہ ترین - این این آئی۔ 02 مئی2026ء) صوبائی دارالحکومت لاہور کے علاقے مزنگ میں واقع فلیٹ میں خاتون سمیت دو بچوں کو گولیاں مار کر قتل کردیا گیا، بعد ازاںملزم نے خود کو بھی گولی مار کر خودکشی کرلی، فائرنگ کی زد میں آنے سے 2 بچے زخمی بھی ہوئے جنہیںہسپتال منتقل کر دیا گیا ۔

(جاری ہے)

ریسکیو حکام کے مطابق جاں بحق ہونے والی 35 سالہ خاتون کی شناخت عائشہ کے نام سے ہوئی ہے، بچوں میں14 سالہ مصفرا پرویز اور 12 سالہ منیب شامل ہیںجبکہ فائرنگ کی زد میں آکر دو بچے 8 سالہ مناہل بی اور 20 سالہ سمرا پرویز زخمی بھی ہوئے جنہیں ہسپتال منتقل کر دیا گیا۔

بتایا گیا ہے کہ بعد ازاں نے ملزم نے خود کو بھی گولی مار کر اپنی زندگی کا خاتمہ کر لیا ۔اطلاع ملتے ہی پولیس اور فرانز ک ماہرین کی ٹیم موقع پر پہنچ گئی اور شواہد اکٹھے کر کے لاشیں مردہ خانے منتقل کر دی گئیں۔بتایا گیا ہے کہ ملزم کی شناخت شاہد جٹ کے نام سے ہوئی۔ذرائع کے مطابق ملزم شاہد کی جاں بحق خاتون عائشہ سے دوستی تھی اور اکثر اس کے فلیٹ پر آنا جانا رہتا تھا،خاتون کا تعلق ننکانہ سے تھا اور وہ شوہر سے الگ رہتی تھی۔