ہ*کراچی‘ لانڈھی میں ٹریلر کے نیچے سوئے 2 مزدوروں کے کچلنے کا واقعہ، فوٹیج سامنے آگئی

ہفتہ 2 مئی 2026 17:55

= کراچی (اُردو پوائنٹ اخبارتازہ ترین - آن لائن۔ 02 مئی2026ء) کراچی کے علاقے لانڈھی میں ٹریلر کے نیچے آکر 2 افراد کے جاں بحق ہونے کے واقعے کی سی سی ٹی وی فوٹیج منظرِ عام پر آگئی۔دونوں مزدور گرمی سے بچنے کے لیے ٹریلر کے نیچے لیٹے جہاں ان کی آنکھ لگ گئی۔

(جاری ہے)

ڈرائیور نے لاعلمی کے باعث ٹریلر چلا دیا جس کے باعث دونوں ٹریلر تلے دب کر جاں بحق ہو گئے۔پولیس کے مطابق واقعے کا مقدمہ ابھی تک درج نہیں ہو سکا، فرار ٹریلر ڈرائیور کی گرفتاری کی کوشش جاری ہے۔واضح رہے کہ 2 روز قبل لانڈھی اسپتال چورنگی کے قریب ٹرالر تلے 2 افراد کے کچلے جانے کا واقعہ پیش آیا تھا۔افسوسناک واقعے میں جاں بحق افراد کی شناخت 25 سالہ ارشد اور 30 سالہ ضمیر کے نام سے ہوئی ہے، واقعہ کا مقدمہ تاحال درج نہیں کیا گیا۔