پانچ چینی آئل ریفائنریز پر امریکی پابندیاں مسترد

پابندیاں عالمی قوانین اور تعلقات کی خلاف ورزی ہیں،وزارت تجارت

اتوار 3 مئی 2026 14:20

بیجنگ(اُردو پوائنٹ اخبارتازہ ترین - این این آئی۔ 03 مئی2026ء) چین نے امریکا کی طرف سے پانچ چینی آئل ریفائنریز پر عائد پابندیاں مسترد کردیں۔ایرانی تیل کی تجارت سے منسلک پانچ چینی آئل ریفائنریز پر عائد امریکی پابندیوں پر عمل نہ کرنے کی ہدایت کردی گئی۔

(جاری ہے)

چینی وزارت تجارت کا کہنا تھا کہ امریکی پابندیاں بین الاقوامی قوانین اور تعلقات کی خلاف ورزی ہیں۔چینی وزارت تجارت کے مطابق امریکا ان کمپنیوں پر عائد پابندیوں کے فیصلے پر عمل درآمد نہیں کرسکتا۔امریکی وزارت خزانہ نے چین کی پانچ آئل ریفائنریز پر اربوں ڈالر کا ایرانی تیل خریدنے کا الزام عائد کرتے ہوئے ان پر پابندی عائد کی تھی۔