ملتان زیادتی کے مقدمہ میں گرفتار دو ملزمان کو جرم ثابت ہونے پر عمر قید کی سزا

منگل 5 مئی 2026 18:03

ملتان (اُردو پوائنٹ اخبارتازہ ترین - اے پی پی۔ 05 مئی2026ء) ملتان کی سیشن عدالت نے زیادتی کے مقدمے میں جرم ثابت ہونے پر دو مجرمان عبدالرحمٰن اور محمد حسن محمود کو عمر قید اور فی کس ڈھائی لاکھ روپے جرمانے کی سزا سنا دی۔ ایڈیشنل سیشن جج نے مقدمے کی سماعت مکمل ہونے کے بعد فیصلہ جاری کیا۔

(جاری ہے)

استغاثہ کے مطابق مجرمان نے 2024 میں شاہ رکن عالم کے علاقے سے ایک خاتون کو اغوا کر کے فاطمہ جناح ٹاؤن منتقل کیا، جہاں اسے زیادتی کا نشانہ بنایا گیا اور اس کی نازیبا وڈیوز بھی بنائی گئیں۔

واقعے کا مقدمہ ویمن پولیس سٹیشن میں متعلقہ دفعات کے تحت درج کیا گیا، جس کے بعد پولیس نے فوری کارروائی کرتے ہوئے ملزمان کو گرفتار کیا اور ٹھوس شواہد کے ساتھ تفتیش مکمل کر کے چالان عدالت میں پیش کیا۔عدالت نے شواہد اور گواہیوں کی روشنی میں جرم ثابت ہونے پر دونوں مجرمان کو عمر قید اور جرمانے کی سزا سنائی۔ فیصلے میں قرار دیا گیا کہ ایسے سنگین جرائم میں ملوث عناصر کے ساتھ سختی سے نمٹا جائے گا تاکہ معاشرے میں قانون کی بالادستی قائم رہ سکے۔