ؔسمبڑیال: "ستھرا پنجاب" انتظامیہ کی غفلت، رہائشی علاقوں میں گندگی کے ڈھیر لگنے سے بیماریاں پھیلنے کا خدشہ

منگل 5 مئی 2026 20:30

3سمبڑیال(اُردو پوائنٹ اخبارتازہ ترین - آن لائن۔ 05 مئی2026ء) سمبڑیال میں ستھرا پنجاب کا عملہ ’’میں نہ مانوں‘‘ کی پالیسی پر گامزن، شہریوں کے منع کرنے کے باوجود مختلف مقامات سے اٹھایا جانے والا کوڑا کرکٹ،گند شہری علاقوں میں پھینک کر کوڑے کرکٹ کے ڈھیر لگانا شروع کر دیئے، علاقہ بھر کی فضا متعفن، بیماریوں کے پھیلاؤ کا خدشہ لاحق، مسجد، اسکول اور کھانے پینے کی اشیاء کی دوکانوں مقام لوپو والی روڈ پر ڈمپنگ پوائنٹ بنا کر شہر کا سارا کوڑا کرکٹ اکھٹا کرکے گندگی کے ’’پہاڑ‘‘ کھڑا کرنا معمول بنا لیا، شہریوں کی بار بار توجہ دلانے اور درخواستیں دینے کے باوجود اسسٹنٹ کمشنر سمبڑیال بھی نوٹس لینے سے گریزاں۔

تفصیلات کے مطابق وزیر اعلیٰ پنجاب مریم نواز شریف کے ستھرا پنجاب پروگرام کے ویژن کو جہاں پر پنجاب بھر میں سراہا جا رہا ہے وہاں پر ستھرا پنجاب انتظامیہ سمبڑیال کی طرف سے شہر سمبڑیال میں ’’الٹی گنگا‘‘ بہتی دیکھنے کو مل رہی ہے۔

(جاری ہے)

مبینہ طور پر ستھرا پنجاب عملہ کی طرف سے عموماً سمبڑیال کے گلی محلوں سے اٹھایا گیا کوڑا کرکٹ اور گند مناسب طریقے سے تلف کرنے کی بجائے رہائشی علاقوں، سڑکوں پر پھینک کر جان چھڑا لی جاتی ہے جس کے باعث جہاں پر گندگی اور فضائی آلودگی میں اضافہ ہوتا جا رہا ہے وہاں پر سمبڑیال تحصیل میں مختلف موذی بیماریوں کے پھیلنے کا خطرہ بھی لاحق ہوچکا ہے۔

ستھرا پنجاب کے عملے نے شہر سمبڑیال کے گنجان آباد علاقے لوپوالی روڈ پر شہریوں کی رہائشوں کے سامنے ڈمپنگ پوائنٹ بنا رکھا ہے جہاں سارے شہر کا کوڑا کرکٹ اور گند اکھٹا کرکے روزانہ گندگی کے ’’پہاڑ‘‘ کھڑے کر دیے جاتے ہیں جبکہ مذکور روڈ پر گندگی پھیکنے والے ڈمپنگ پوائنٹ کے قریب ہی مسجد، اسکول اور کھانے پینے کی اشیاء ضروریہ کی دوکانیں قائم ہیں جبکہ صاف ستھرا پنجاب عملہ کی طرف سے لگائے گئے کوڑے کرکٹ،گندگی کے ڈھیر کئی کئی ہفتوں نہیں اٹھائے جاتے جس کے باعث علاقہ میں تعفن پھیلنے سمیت شہریوں کو آمدورفت میں شدید مشکلات کا سامنا کرنا پڑتا ہے۔

علاقہ مکینوں سمیت ثناء اللہ کھوکھر نامی شہری کا کہنا تھا کہ محکمہ کے متعلقہ حکام کو بار بار اطلاع دینے اور اسسٹنٹ کمشنر سمبڑیال کو باضابطہ درخواستیں دینے کے باوجود بھی ان کی طرف سے تاحال نوٹس نہیں لیا گیا جس کے باعث شہریوں میں شدید تشویش پائی جاتی ہے۔ سول سوسائٹی، شہریوں نے وزیر اعلیٰ پنجاب مریم نواز شریف، چیف سیکرٹری پنجاب، کمشنر گوجرانولہ، ڈپٹی کمشنر سیالکوٹ صباء اصغر علی سمیت متعلقہ سے فوری نوٹس لینے کا مطالبہ کیا ہی