Live Updates

مسلمان صرف اللہ تعالیٰ کے سامنے سر جھکاتے ہیں، کوئی دوسرا ہمیں مجبور نہیں کرسکتا، ایرانی صدر

ایران کے مخالفین بے لگام اور غیر ذمہ دار قوت کی علامت بنے ہوئے ہیں، امریکہ طاقت کے استعمال کی دھمکیاں واپس لے، اخلاق کے بغیر طاقت کھوکھلی ہوتی ہے اور اس سے کوئی تعمیری نتیجہ برآمد نہیں ہو سکتا؛ مسعود پزشکیان کا بیان

ساجد علی بدھ 6 مئی 2026 11:46

مسلمان صرف اللہ تعالیٰ کے سامنے سر جھکاتے ہیں، کوئی دوسرا ہمیں مجبور ..

تہران (اُردو پوائنٹ اخبارتازہ ترین۔ 06 مئی2026ء) ایران کے صدر مسعود پزشکیان کا کہنا ہے کہ ہم مسلمان صرف اللہ تعالیٰ کے سامنے سر جھکاتے ہیں، کوئی دوسرا ہمیں مجبور نہیں کرسکتا۔ تفصیلات کے مطابق ایرانی صدر نے بین الاقوامی سیاست اور طاقت کے استعمال کے حوالے سے ایک اہم نظریاتی بیان جاری کیا ہے، جس میں انہوں نے عالمی بدامنی کی بنیاد بے لگام طاقت کو قرار دیتے ہوئے ایران کے مؤقف کی وضاحت کی ہے، صدر پزشکیان نے دنیا کے سامنے دو مختلف ماڈلز پیش کیے اور واضح کیا کہ ایران ایک ایسی طاقت ہے جو اخلاقی حدود کی پابند اور عالمی برادری کے لیے ذمہ دارانہ رویہ رکھتی ہے، ایران کے دشمن غیر ذمہ دارانہ طاقت کی علامت بن چکے ہیں، جو کسی قانون یا اخلاقی ضابطے کو نہیں مانتے۔

If politics is reduced to power, the result is today's world: chaos, oppression, injustice, and piracy

In our national ethos and religious worldview, power without ethics is hollow. Today، Iran represents ethical, responsible power; its enemies embody reckless & unchecked force.
— Masoud Pezeshkian (@drpezeshkian) May 5, 2026

اس حوالے سے سوشل میڈیا پلیٹ فارم ایکس پر جاری کردہ اپنے پیغام میں مسعود پزشکیان نے واضح کیا کہ سیاست کو محض طاقت کے حصول تک محدود کرنا ہی آج کی دنیا میں افراتفری، جبر اور ناانصافی کی اصل وجہ ہے، ایران ایک ذمہ دار اور بااخلاق طاقت کی نمائندگی کرتا ہے جبکہ اس کے مخالفین لاقانونیت کا روپ دھار چکے ہیں، آج کی دنیا جس بحران اور ناانصافی کا تجربہ کر رہی ہے، وہ سیاست کو اخلاقیات سے الگ کر دینے کا نتیجہ ہے، اگر سیاست کا مقصد صرف طاقت ہو تو نتیجہ جبر اور بحری قزاقی کی صورت میں نکلتا ہے، ایرانی قومی روایت اور مذہبی اقدار کے مطابق اخلاقیات کے بغیر طاقت کی کوئی حیثیت نہیں۔

(جاری ہے)

We Muslims have already surrendered to the Almighty; no one else can make us surrender.

In my call with Iraq's PM @AliFalihAlzaidy, I urged the US to remove military threats from our region; followers of the Shia school cannot be coerced by force. #Iran #Iraq https://t.co/9Fh1XJyl0F
— Masoud Pezeshkian (@drpezeshkian) May 5, 2026

مزید یہ کہ عراقی وزیر اعظم سے گفتگو کے دوران ایرانی صدر نے امریکہ کے حوالے سے سخت مؤقف اختیار کیا، انہوں نے عراقی وزیر اعظم کو مخاطب کرتے ہوئے کہا کہ "امریکہ کو مشورہ دیں کہ وہ طاقت کے استعمال کی دھمکیاں واپس لے، اخلاق کے بغیر طاقت کھوکھلی ہوتی ہے اور اس سے کوئی تعمیری نتیجہ برآمد نہیں ہو سکتا، ہم مسلمان صرف اللہ تعالیٰ کے سامنے سر جھکاتے ہیں، اللہ کے سوا کوئی دوسری طاقت مسلمانوں کو نہ تو مغلوب کر سکتی ہے اور نہ ہی اپنی مرضی پر مجبور کر سکتی ہے۔