وہاڑی ، پولیس نےمختلف کارروائیوں میں منشیات فروش، شراب فروش اور 14 سالہ اشتہاری گرفتار کر لیا

جمعرات 7 مئی 2026 16:32

وہاڑی (اُردو پوائنٹ اخبارتازہ ترین - اے پی پی۔ 07 مئی2026ء) ڈسٹرکٹ پولیس آفیسر وہاڑی تصور اقبال کی ہدایات پر ضلع بھر میں جرائم پیشہ عناصر کے خلاف کارروائیاں جاری ہیں، پولیس تھانہ سٹی وہاڑی نے کارروائی کرتے ہوئے منشیات فروش عرفان کو گرفتار کرکے اس کے قبضہ سے 1020 گرام ہیروئن برآمد کر لی اور مقدمہ درج کر لیا جبکہ پولیس تھانہ فتح شاہ نے شراب فروش اکرم کو گرفتار کرکے 25 لیٹر شراب برآمد کر لی۔

(جاری ہے)

دوسری جانب تھانہ دانیوال پولیس نے جدید ٹیکنالوجی اور بہترین حکمت عملی کی مدد سے قتل اور اقدام قتل کے مقدمات میں مطلوب 14 سال سے مفرور اشتہاری مجرم یسین کو کراچی سے گرفتار کر لیا۔ ادھر پولیس تھانہ سٹی وہاڑی نے انسداد گیمبلنگ ایکٹ کے تحت کارروائی کرتے ہوئے جوا کھیلتے ہوئے 8 ملزمان نعمان، صدیق، لیاقت، علی رضا، غلام مصطفی، منیر، اللہ دتہ اور وقاص کو گرفتار کر لیا، ملزمان کے قبضہ سے جوا پر لگی رقم، 6 موبائل فون اور 4 موٹر سائیکلیں بھی برآمد کر لی گئیں۔ ڈی پی او تصور اقبال نے کہا کہ منشیات فروشوں، اشتہاری ملزمان اور سماج دشمن عناصر کے خلاف بلاامتیاز کارروائیاں جاری رہیں گی۔\378