راولپنڈی،دو موٹر سائیکلوں پر سوار 4 ملزمان کی پولیس پارٹی پر فائرنگ ،ایک زخمی ملزم سمیت 3 ملزمان گرفتار

جمعہ 8 مئی 2026 23:18

راولپنڈی(اُردو پوائنٹ اخبارتازہ ترین - این این آئی۔ 08 مئی2026ء) تھانہ نصیر آباد کے علاقے میں رات گئے دو موٹر سائیکلوں پر سوار 4 ملزمان نے پولیس پارٹی پر فائرنگ کردی،فائرنگ کے دوران ایک زخمی ملزم سمیت 3 ملزمان گرفتارکرلئے گئے۔

(جاری ہے)

تفصیلات کے مطابق تھانہ نصیر آباد کے علاقے میں رات گئے دو موٹر سائیکلوں پر سوار 4 ملزمان کی پولیس پارٹی پر فائرنگ، فائرنگ کے دوران ایک زخمی ملزم سمیت 3 ملزمان گرفتار، ایک فرار،(شہری سے گن پوائنٹ پر چھینا گیا موٹر سائیکل اور اسلحہ برآمد،) گرفتار ڈاکو قبل ازیں اسلام آباد میں ڈکیتی اور اسلحہ ناجائز کے مقدمات میں ملوث اور ریکارڈ یافتہ ہے، پولیس نے موٹر سائیکل سواروں کو روکنے کی کوشش کی تو ملزمان نے فائرنگ شروع کر دی، واقعہ کی اطلاع پر سینئر پولیس افسران پولیس نفری کے ہمراہ موقعہ پر پہنچ گئے، فرار ملزم کی گرفتاری کے لئے سرچنگ جاری۔

ملزمان کی فائرنگ کا جوانمردی سے مقابلہ کرتے ہوئے ملزمان کی گرفتاری اور مسروقہ موٹر سائیکل و اسلحہ کی برآمدگی پر سی پی او سید خالد محمود ہمدانی نے ایس پی پوٹھوہار، ایس ڈی پی او کینٹ اور نصیر آباد پولیس ٹیم کو شاباش دیتے ہوئے کہا ہے کہ شہریوں کی جان و مال اور پولیس پر حملہ کرنے والے قانون کی گرفت سے نہیں بچ سکتے۔