Live Updates

پالیسیوں پر امریکا کو یو ایس اے نہیں یو ایس آئی کہنا چاہیے، ابراہیم رضائی

جمعہ 8 مئی 2026 22:55

تہران (اُردو پوائنٹ اخبارتازہ ترین - این این آئی۔ 08 مئی2026ء) ایرانی نیشنل سیکیورٹی اور فارن پالیسی کمیشن کے ترجمان ابراہیم رضائی نے امریکا کے خلاف سخت بیان دیتے ہوئے کہا ہے کہ موجودہ امریکی صدر اور وزیر دفاع کی پالیسیوں کے باعث امریکا کو یو ایس اے کے بجائے یو ایس آئی یعنی یونائیٹڈ اسٹیٹس آف ایڈیٹس کہا جانا چاہیے۔

(جاری ہے)

ابراہیم رضائی نے کہا کہ امریکا 2 مرتبہ آبنائے ہرمز سے گزرنے کی کوشش کر چکا ہے، ایران پہلے بھی واضح کر چکا ہے اور اب دوبارہ خبردار کرتا ہے کہ امریکا چند جنگی جہازوں کے ساتھ تو کیا، اپنی پوری بحریہ کے ساتھ بھی آبنائے ہرمز عبور کرنے کی صلاحیت نہیں رکھتا۔

ابراہیم رضائی نے یہ بھی کہا کہ اگر امریکا نے ایسی کوئی کوشش کی تو وہ ایک بگڑے ہوئے بچے کی طرح مار کھا کر واپس لوٹ جائے گا۔