Live Updates

ایران کے جزیرہ خارگ سے تیل کے اخراج کی اطلاع

فوری طور پر تیل کے اخراج کی وجہ معلوم نہیں ہوسکی،امریکی اخبار

ہفتہ 9 مئی 2026 12:29

تہران (اُردو پوائنٹ اخبارتازہ ترین - این این آئی۔ 09 مئی2026ء) ایران کے جزیرہ خارگ سے تیل کے اخراج کی اطلاع، امریکی اخبار نیو یارک ٹائمز نے سیٹلائٹ تصاویر کے حوالے سے رپورٹ جاری کردی۔امریکی اخبار کے مطابق ایران کے تیل کی برآمد کے اہم ٹرمینل سے جزیرہ خارگ کے ساحل پر تیل پھیل رہا ہے۔

(جاری ہے)

فوری طور پر تیل کے اخراج کی وجہ معلوم نہیں ہوسکی۔تیل کے اخراج پر نظر رکھنے والے ادارے کے مطابق تیل 52 مربع کلومیٹر سعودی عرب کے پانیوں کی طرف پھیلتا ہوا دکھائی دے رہا ہے۔جزیرہ خارگ میں ایران کا سب سے بڑا آئل ٹرمینل، آئل پائپ لائنز، اسٹوریج ٹینک اور متعلقہ انفرااسٹرکچر قائم ہے۔