ج*شوبز شخصیات کو لباس کے انتخاب میں حدود کا خیال رکھنا چاہیے‘ فضا علی

اتوار 10 مئی 2026 17:45

[کراچی (اُردو پوائنٹ اخبارتازہ ترین - آن لائن۔ 10 مئی2026ء) پاکستانی اداکارہ، میزبان اور گلوکارہ فضا علی نے پاکستانی اداکاراؤں کو مختصر لباس پہننے کے حوالے سے مشورہ دیتے ہوئے کہا ہے کہ انہیں اسلامی جمہوریہ پاکستان کے ماحول اور ثقافت کو مدنظر رکھنا چاہیے۔ایک انٹرویو میں فضا علی نے کہا کہ پاکستانی شوبز شخصیات کو لباس کے انتخاب میں حدود کا خیال رکھنا چاہیے کیونکہ پاکستان ایک اسلامی ریاست ہے۔

(جاری ہے)

فضا علی کا کہنا تھا کہ میرے خیال میں اداکاراؤں کو اپنی حدود برقرار رکھنی چاہئیں کیونکہ ہم اسلامی جمہوریہ پاکستان میں رہتے ہیں، ہمیں اپنی ثقافت کو فالو کرنا چاہیے، اگر اداکارائیں بولڈ لباس پہنتی ہیں تو اسے اسلامی ریاست میں مناسب نہیں سمجھا جاتا، جس کے بعد تنازع اور تنقید جنم لیتی ہے کیونکہ لوگ اپنی اداکاراؤں کو اس انداز میں دیکھنا پسند نہیں کرتے۔واضح رہے کہ فضا علی پاکستان کی معروف اداکارہ اور میزبان ہیں، جو اپنے ڈراموں اور مارننگ و رمضان ٹرانسمیشنز کے باعث شہرت رکھتی ہیں، حالیہ رمضان میں بھی وہ اپنی متنازع ویڈیوز کی وجہ سے خبروں میں رہیں۔