ویرات کوہلی پوسٹ لائیک تنازع: جرمن ماڈل اور گلوکارہ لزلاز کو کیا پیشکش کی گئی ؟ حیران کن انکشاف

کوہلی میرے پسندیدہ کرکٹر، میں کسی بھی صورت محض پیسے یا شہرت کیلئے کرکٹر کی ساکھ کو نقصان نہیں پہنچاؤں گی : انفلوئنسر و گلوکارہ لزلاز

ذیشان مہتاب بدھ 13 مئی 2026 10:50

ویرات کوہلی پوسٹ لائیک تنازع: جرمن ماڈل اور گلوکارہ لزلاز کو کیا پیشکش ..

برلن (اردو پوائنٹ تازہ ترین اخبار ۔ 13 مئی 2026ء ) جرمن ماڈل، انفلوئنسر اور گلوکارہ لزلاز نے دعویٰ کیا ہے کہ بھارتی کرکٹ سٹار ویرات کوہلی سے متعلق حالیہ سوشل میڈیا تنازع کے بعد بعض صحافیوں نے انہیں کرکٹر کے خلاف منفی اور جھوٹی باتیں کرنے کے لیے پیسے کی پیشکش کی۔

یہ تنازع اس وقت شروع ہوا تھا جب ویرات کوہلی کے انسٹاگرام اکاؤنٹ سے لزلاز کی ایک پوسٹ کو لائیک کیا گیا جس کے بعد یہ معاملہ سوشل میڈیا پر بحث کا مرکز بن گیا۔

(جاری ہے)

بین الاقوامی میڈیا رپورٹس کے مطابق ایک انٹرویو کے دوران لزلاز نے انکشاف کیا ہے کہ مجھ سے مختلف میڈیا اداروں کی جانب سے رابطہ کیا گیا اور کوہلی کے خلاف غلط الزامات لگانے کے بدلے رقم دینے کی پیشکش بھی کی گئی لیکن میں نے اس پیشکش کو سختی سے مسترد کر دیا۔

انہوں نے کہا کہ ویرات کوہلی میرے پسندیدہ کرکٹر ہیں اور میں کسی بھی صورت محض پیسے یا شہرت کیلئے کرکٹر کی ساکھ کو نقصان نہیں پہنچاؤں گی۔