اے آئی کی مدد سے بنائی گئی جعلی ٹکٹ پر سفر کرنے والا مسافر رنگے ہاتھوں گرفتار

جمعرات 14 مئی 2026 16:21

فیصل آباد(اُردو پوائنٹ اخبارتازہ ترین - این این آئی۔ 14 مئی2026ء) ریلویز پولیس نے کارروائی کرتے ہوئے آرٹیفیشل انٹیلی جنس (اے آئی) کی مدد سے بنائی گئی جعلی ٹکٹ پر سفر کرنے والے ایک مسافر کو رنگے ہاتھوں گرفتار کر لیا۔ملزم کو فیصل آباد ریلوے اسٹیشن کے پلیٹ فارم نمبر ایک سے حراست میں لیا گیا۔

(جاری ہے)

تفصیلات کے مطابق ملزم احتشام نے شالیمار ایکسپریس کے ذریعے سانگلہ ہل سے فیصل آباد تک سفر کیا اور دوران چیکنگ جعلی ٹکٹ کو اصلی ٹکٹ ظاہر کرنے کی کوشش کی۔ریلویز پولیس نے مشکوک ٹکٹ کی جانچ پڑتال کے بعد فوری کارروائی کرتے ہوئے ملزم کو گرفتار کر لیا۔ملزم کے خلاف تھانہ ریلویز پولیس فیصل آباد میں مقدمہ درج کر کے مزید تفتیش کا آغاز کر دیا گیا ہے۔