شاہد آفریدی فاؤنڈیشن اور وزیراعظم یوتھ پروگرام کا بنیان المرصوص کرکٹ میچ کرنے کا اعلان

چیئرمین وزیراعظم یوتھ پروگرام رانا مشہود احمد خاں نے سابق ٹیسٹ کرکٹر شاہد آفریدی سے ملاقات کی

ذیشان مہتاب جمعہ 15 مئی 2026 10:44

شاہد آفریدی فاؤنڈیشن اور وزیراعظم یوتھ پروگرام کا بنیان المرصوص کرکٹ ..

لاہور (اردو پوائنٹ تازہ ترین اخبار ۔ 15 مئی 2026ء ) چیئرمین وزیراعظم یوتھ پروگرام رانا مشہود احمد خاں نے قومی کرکٹر شاہد آفریدی سے ملاقات کی، چئیرمین وزیراعظم یوتھ پروگرام نے قومی کرکٹرکو کھیل کے شعبے میں ہلال امتیاز دیے جانے پر مبارکباد دی۔

(جاری ہے)

شاہد آفریدی فاؤنڈیشن اور وزیراعظم یوتھ پروگرام نے بنیان المرصوص کرکٹ میچ کرنے کا اعلان کیا ،کرکٹ میچ وزیراعظم یوتھ ٹیلنٹ ہنٹ سے سلیکٹ ہونے والے نوجوان معروف سلیبرٹیز کے مابین ہوگا، میچ کے ذریعے بنیان المعرصوص کے ہیروز کو خراجِ تحسین پیش کیا جائے گا۔

شاہد آفریدی کا کہنا ہے کہ خوشی ہے وزیراعظم یوتھ پروگرام کے ساتھ اس کاوش میں شامل ہو رہا ہوں، نوجوانوں کے لیے وزیراعظم یوتھ پروگرام قابل ستائش ہے، کرکٹ میچ کے ذریعے نوجوانوں کو مثبت سرگرمیوں میں شامل ہونے کی ترغیب دینا چاہتا ہوں۔